Mak Trek

All good things...

2009-08-14T03:37:00.004+02:00

Ден по премиерата на Star Trek...

2009-05-09T13:43:00.005+02:00

Веројатно нема подобра причина од прекинувањето на паузава од премиерата на новиот Star Trek. Изминативе десетина години, сведоци сме на куп вакви ребутирања на стари, култни франшизи, меѓу кои Batman, Terminator, Star Wars, а да не почнувам за огромниот број на римејци на хорори од типот на Halloween или Friday the 13th. Во многу наврати сум спомнувал како Холивуд е одамна останат без оргинални идеи и парите ги вади од прекопување на стари и сигурни рудници.

Како и да е, од сите ре-анимирања на филмски и телевизиски бисери, Star Trek е дефинитивно, како идеја, најлошото. Треба навистина храброст да земеш нешто толку вредно и да го "измислиш" повторно. Со многу шминка и агресивна рекламна кампања, господинот Абрамс успеа на да им ја продаде својата тазе-измислена топла вода и на најтврдокорните фанови на франшизата. Зарем толку слепо прифаќате се што е Star Trek, луѓе?

Филмот се прикажа вчера низ кината во САД и за само еден ден успеа да собере цели 33 (триесет и три) милиони долари! Без разлика на вистинскиот квалитет на филмот, ова значи дека Star Trek приказната на Абрамс не е воопшто завршена. Филмот веќе го има низ warez мрежата, кино-снимка, ќе почекам уште некое време да се појави подобра копија за да го гледам и да видам дали целото мое мрчење изминатава година и кусур ќе биде оправдано. Доколку некој не го прочитал текстот каде што јасно го изкажувам мојот став за филмов - бујрум на линков.

П.С. Поради обрвски месецов, не успеав да ја објавам рецензијата за Star Trek Countdown #4. Еве линк за симнување на стрипот. Таман за читање пред гледање на филмов...

Нов ТВ трејлер за Star Trek

2009-04-06T12:59:00.003+02:00

Tоа е тоа, скоро исто како претходните, со плус некои нови кадри кои досега не сме ги виделе.

Star Trek: Countdown #3 [стрип]

2009-04-05T13:22:00.002+02:00

Конечно, слободно време да се посветам на МакТрек и да кажам неколку работи за новиот број на Star Trek: Countdown, кој излезе кон крајот на минатиот месец. Беше поставен тука за даунлоуд пред некоја недела, но еве го линкот пак, во случај некој да го пропуштил.

Приказната полека се наближува до настаните во филмот. Ромулус е уништен, а Неро го обвинува Сенатот поради тоа. На Ромулус тој го губи неговото семејство и нероденото дете. Конечно ја гледаме неговата трансформација во негативец кој претставува огромна закана. Во овој број ги добива и тетоважите на главата, кои се дел од Ромуланската традиција и се древни симболи кои претставуваат Љубов и Пораз. Ромуланците ги тетовирале после загуба на сакана личност.

До сега, најдоброто нешто што излезе од Star Trek: Countdown. Како и претходно, се појавуваат ликови кои веќе ги знаеме, а еден од нив ќе одигра голема улога во следниот број кој е веќе излезен и ќе биде поставен тука за некој ден. Спомнав претходно дека ќе имав некаква верба во филмот доколку се појавеа сите овие ликови, толкувани од оргиналните актери. Леонард Нимој колку и да е добар, неможе сам да го носи на грб цел филм.

Останува месец дена до премиерата, па ќе видиме како ќе пројде.

Купче нови постери

2009-03-30T19:44:00.005+02:00

Купче нови официјални постери за новиот Star Trek, далеку подобри од првиот, со исклучок на јапонскиот постер.

Британскиот постер

Друга верзија од Британскиот постер

Шпанскиот постер

Германскиот постер

...и Јапонскиот!

Family Guy: Not All Dogs Go To Heaven

2009-03-30T17:32:00.003+02:00

Family Guy, откако успеаа да ја направат најдобрата пародија на Star Wars, ја собраа и целата актерска екипа на Star Trek: The Next Generation. Стуи, откако на Star Trek конвенција нема да успее да ги праша актерите ниту едно прашање, решава да изгради транспортер, да ги киднапира и да ги принуди да поминат некое време со него.

Гласовите на The Next Generation поставата ги позајмуваат оргиналните актери и ова е нивното прво собирање за телевизиски/филмски проект после многу години.

Покрај тоа што епизодава се врти околу Стуи и посадата на Ентерпрајз, упатува и остра критика до религијата и религиозните сфаќања во Америка, а и во светот. Одлична епизода, веројатно најдобрата оваа сезона, покрај "I Dream of Jesus". "Not All Dogs Go To Heaven" беше прикажана синоќа и веќе може да се најде по warez мрежата.

Наскоро излегува и пародијата на The Empire Strikes Back, а се збори дека ќе има и пародија на The Wrath of Khan.

Star Trek XI официјален постер

2009-03-29T15:12:00.004+02:00

Конечниот, официјален постер наменет за кината, беше објавен пред два дена. Воопшто не ме импресионираше (исто и како се досега од филмот). Сите знаеме дека можело многу подобро и попрофесионално. Вака изгледа како обичен Photoshop ефект врз бродот...

Инаку, излезе Star Trek Countdown #3, ќе пишам рецензија деновиве. До тогаш, еве линк за симнување.

Нов Star Trek XI трејлер

2009-03-06T15:14:00.003+01:00

Денеска излезе нов трејлер за филмот, веројатно последен пред премиерата во мај. Има сцени кои досега ги немаше во претходните трејлери (кои нормално, може да се погледнат на блогов).

Ќе искоментирам само една реплика на Неро. Вели, "James T. Kirk was a great man, but that was another life!" Токму така. Џејмс Т. Кирк е Вилијам Шетнер и никој друг.

Погледнете:

Две нови слики од Star Trek XI

2009-03-05T23:59:00.003+01:00

Полека се наближува премиерата на Star Trek XI, па периодов може да се очекуваат уште повеќе материјали од филмот. Во новиот број на списанието Total Film кој од денес е во продажба, објавени се две нови слики. На едната од нив може да се види како ќе изгледа транспортерот на новиот Ентерпрајз. Транспортирањето веќе видовме како изгледа во трејлерот.

Исто така, наскоро излегува и книга базирана на филмот, чиј автор е легендарниот Алан Дин Фостер.

Star Trek: Countdown #2 [стрип]

2009-02-26T23:59:00.008+01:00

Конечно вториот број на стрипот што ги размрда Star Trek фановите ширум светот. Слободно можам да кажам дека ова е еден од најдобрите Star Trek стрипови кои излегле до сега. Навистина штета што толку добра приказна ќе мора да биде збиена во само четири броја, освен ако не се решат да ја продолжат некако, независно од филмот.

Она што беше најголемо изненадување на самиот крај од првиот број, овде е во центарот на приказната и игра клучна улога. Дури има и интересно објаснување, кое лесно би можело да пројде и на филм, доколку се решат да не изненадат во блиска иднина.

Како што се развива приказната, која интензивно се движи до точката каде што Countdown ќе го предаде факелот на филмот, така се зголемуваат и изненадувањата кои го прават стрипот уште подобар. Знам дека идејата е да се купат фановите со ваква финта, признавам, одлично е, но сепак тоа нема да ми го смени мислењето за филмот. Можеби доколку имаше некое слично изненадување, ќе ми се зголемеше желбата за гледање...

Како и да е, екипата од IDW знае дека стои со четири броја на располагање и феноменално си ја работи задачата. Нема време за губење, и покрај тоа што има малку простор, одлично е склопена приказната. За жал, воведот во филмот ќе биде многу подобар од самиот филм. Мислам дека многу подобар потег ќе беше да се направи краток анимиран филм со содржината на Countdown. Ќе беше далеку поефективно, а ќе привлечеше уште повеќе публика.

Според бројот на даунлоуди, Star Trek: Countdown #1 е најчитаниот стрип објавен на МакТрек до сега. Еве линк и за вториот број. Третиот ќе биде достапен дури следниот месец. Пред мене го имам и четвртиот број на Star Trek TNG: The Last Generation, ќе го прочитам деновиве па ќе пишам и за него.

Star Trek TNG: The Last Generation #3 [стрип]

2009-02-23T20:16:00.005+01:00

Времето со кое располага Отпорот на Пикард, се побрзо истекува превземањето на порадикални мерки е повеќе од неопходно. Дел од отпорот решава да украде Клингонски Bird-of-Prey и да се врати назад во времето за да исправи одредени работи, додека друг дел од отпорот на чело со Весли Крашер има поинаква замисла. Весли прави грешка што бара оружје од Ференги шанкер (не, не е Кварк) и уште повеќе ги комплицира работите.

Како и во минатите два броја, има купче ликови кои кратко се појавуваат, во овој број повеќе за да ги има, отколку што се којзнае колку битни за самата приказна чиј интензитет видно е опадна со овој број. Стрипот имаше одличен почеток, но некако ги успорија работите тука и почнаа да се движат во сомнителен правец. Беспотребно го исфорсираа ликот на Весли Крашер до тој степен што мислам дека фановите уште повеќе го замразија. Како намерно да го прават ова. Плус тоа, мене не ме убеди со таа фризура...

Како и да е, остануваат уште два броја до крај (четвртиот излезе деновиве, следува рецензија), па ќе видиме каков епилог ќе има оваа приказна. Се надевам дека нема да ги стиснат следните два броја, па да добиеме избрзано финале.

Третиот број во електронска верзија може да се превземе на овој линк.

Ново лого за Star Trek XI

2009-02-21T12:58:00.003+01:00

Парамаунт го објави новото официјално лого за Star Trek XI. Логото е базирано на она од оргиналната серија. На почетокот на март, треба да се појави и третиот трејлер кој ќе биде прикажан пред филмот Watchmen.

Официјалниот сајт е исто така обновен и на него има нова секција "Панорами" каде што може да се погледне дел од внатрешноста на новиот Enterprise.

Верзија на вториот трејлер беше прикажана на Super Bowl-от, и моментално се наоѓа на второ место на листата на реклами прикажани на овој голем спортски настан, веднаш зад трејлерот за Transoformers: Revenge of the Fallen кој излегува ова лето. На TrekMovie трејлерот е анализиран кадар по кадар и може да се погледне на овој линк.

Star Trek Online новости

2009-02-10T18:57:00.006+01:00

Деновиве на сајтот на IGN се појавија нови скриншоти од Star Trek Online. Се чини дека Cryptic Studios напорно работи на излегувањето на оваа долгоочекувана игра.

Приказната веќе почна да си го наоѓа својот тек и официјално е дека ќе биде сместена 30 години по настаните во Star Trek: Nemesis. Во 2409 година Клингонците и Федерацијата го раскинуваат примирјето и избива војна во која ќе биде вклучена и трета фракција за која моментално не се откриваат никакви детали.

Исто така, одговорните од Cryptic Studios велат дека Star Trek Online ќе биде поразлична од останатите MMORPG игри, бидејќи ќе донесе новини и измени во "стандарната" форма на ваквиот тип игри и ќе биде освежување за жанрот. Ова се секако добри вести, бидејќи повеќето MMORPG игри кои се појавија во изминативе неколку години се правени по теркот на World of Warcraft.

На сајтот има и ново видео во кое се гледа каков ќе биде начинот на креирање на карактерите. Може да се погледне на овој линк. Доколку го пропуштивте првиот трејлер за Star Trek Online, може да го погледнете тука.

Star Trek: Countdown #1 [стрип]

2009-01-31T20:06:00.008+01:00

Првиот број на стрипот кој би требало да послужи како вовед во престојниот Star Trek филм кој ќе ја има својата во мај оваа година. Вкупно ќе излезат четири броја, секој месец по еден, а првиот кој излезе овој месец е веќе расппродаден. Нарачките за следните броеви се зголемени, фановите одлично го прифаќаат стрипот, па веќе може да се нарача и четвртиот број. Во април, кога ќе излезе и четвртиот, последен број, Star Trek Countdown ќе биде достапен и како trade paperback издание, па тие што пропуштиле ќе може да ги добијат сите четири броја на овој начин. Но, верувам дека и ова ќе биде експресно продадено и сигурно ќе може да се нарача однапред и да се резервира копија.

Значи, првиот број. Дејствието е сместено неколку години по настаните во Star Trek: Nemesis. Негативецот од филмот, Неро (кој овде не е воопшто лош и злобен), е на мисија со својот тим рудари на пуста планета, каде што наоѓаат голема количина на декалитиум, материја која има голема вредност за Ромуланската Империја. Пред да започне ископувањето, откриваат дека на планетата Ромулус и се заканува голема опасност, која би можела да го загрози опстанокот на Ромуланците.

Стрипот продолжува на планетата Ромулус, каде што Амбасадорот на Федерацијата, Спок му се обраќа на Ромуланскиот Сенат и го предупредува за опасноста која би можела да им нанесе оргомни штети на Ромуланците и нуди свое решение. Но, Ромуланците го одбиваат Спок мислејќи дека се работи за некаков заговор на Вулкан. Неро, кој присуствува на собирот на Сенатот, верува во зборовите на Спок и го потврдува тоа што и самиот го видел, но го одбиваат и него.

Неро се решава да тргне на мисија со неговиот екипаж и да превземе мерки за спречување на заканата, иако тоа би можело да им ги загрози животите на него и неговите луѓе.

Тука завршувам со пишување, да не откријам премногу, мислам дека ова горе е доволно за да ве натера да го прочитате стрипот, кој може да се превземе на овој линк. Навистина е добра приказната, IDW Publishing секогаш нуди одлични Star Trek стрипови. Следниот број ќе излезе на 25 февруари и за него ќе биде објавено тука. Ќе кажам само дека крајот е феноменален и ме остави комлетно збунет, па се надевам дека во следните броеви ќе има објаснување.

Star Trek XI играчки

2009-01-22T23:57:00.005+01:00

На USAToday.com се објавени слики од новите Star Trek играчки, базирани на новиот филм. Цената е 30$ на секоја, што и не е толку скапо, бидејќи имам гледано Star Trek играчки кои чинат повеќе и од 100$.

Мој избор би бил транспортерот.

Транспортерот

Мостот

Новиот Ентерпрајз

Рикардо Монталбан (1920 - 2009)

2009-01-14T23:58:00.006+01:00

Почина Кан. Актерот починал во својот дом, на 88 годишна возраст, а како причина е наведена природна смрт. Се прослави по улогата на Кан, прво во епизодата "Space Seed", а потоа и во филмот Star Trek II: The Wrath of Khan, кој според многумина е најдобриот филм од серијалот.

Монталбан е исто така познат по улогите во Naked Gun, Spy Kids, Family Guy и серијата Fantasy Island.

Нека почива во мир.

Еве острам Bat'leth-и...

2009-01-14T00:52:00.006+01:00

Првата верзија на Клингонскиот речник на Марк Окранд, човекот кој е одговорен за Клингонскиот јазик (tlhIngan Hol) е објавена во 1985 година. Во главно, содржината е составена од зборовите кои се употребени во првите пет филма, но има и добар дел на нови зборови, фрази и граматика. Во 1992 е објавена и втората верзија, која вклучува Клингонски јазик употребен во Star Trek: The Next Generation како и од последниот филм со оргиналната постава, Star Trek: The Undiscovered Country.

Новата верзија The Klingon Dictionary се протега на 192 страници и претставува Клингонско-Англиски речник, граматика, изговор и разговорник со доволен број на фрази со кои најупорните би успеале да се разберат со Клингонец доколку го сретнат (на пример, во ментална институција). Во секој случај, интересно книжуле за посветените фанови, ако ништо друго, да се види талентот на Марк Окранд. Како што вели Горкон во Star Trek: The Undiscovered Country, неможеш да го доживееш Шекспир додека не го прочиташ на оргинален клингонски јазик.

Речников може да се најде и низ книготекиве низ Скопје за некои 300-400 денари. Јас го купив пред некои три години, но сигурен сум дека скоро видов уште некој примерок. Доколку не успеете да го најдете, проверете на овој линк. Ја има и аудио верзијата.

Star Trek TNG: The Last Generation #2 [стрип]

2009-01-07T22:34:00.006+01:00

Еве го и МакТрек во новата 2009-та! Среќни празници на сите. За жал, поради обврски, не успеав на време да пишам за вториот број на Star Trek TNG: The Last Generation, па еве го конечно, со мало задоцнување.

Дејството продолжува каде што завршува првиот број. Отпорот се обидува да се справи со тиранијата на Клингонците на чело со Ворф, но добиваат информација дека настаните воопшто не би требало да се движат по ваков тек и дека Федерацијата требала да склучи примирје со Клингонската Империја.

Се појавува и познат лик од серијата, кој патува низ времето, но нема да го спомнам тука за да не им го расипам уживањето на оние кои го читаат стрипот. Отпорот сфаќа каде е грешката и каде настаните ја смениле насоката, а со тоа се промени и агендата на Пикард, па повеќе околку ова би требало да видиме во следниот број.

Очекувам уште подобар заплет, бидејќи се појави и Кирк, а некоја страница доби и EMH-то од Star Trek: Voyager. Плус тоа, ви текнува на Робин? Симпатијата на Весли Крашер?

Да не тупам, вториот број може да се симне од овој линк. Како што гледам од бројот на симнувања, има заинтересирани за стрипов. :)

Captain's log -315980.86

2008-12-24T23:53:00.005+01:00

Star Trek XI ќе биде завршен комплетно, следната недела. Моментално се довршува аудио миксот. Абрамс е задоволен и едвај чека да го видиме. Јас не баш. Како и да е, очекувам периодов да започнат агресивна кампања, бидејќи до мај следната година им останува доволно време за голема реклама. Знаат што пали кај народот и како да привлечат внимание, не работи толкав маркетинг тим за џабе, нели? Сигурен сум дека ќе убедат уште многу фанови дека филмот ќе ги исполни нивните очекувања.

Анкетата ја затворив денес, мислењата се поделени. Траеше околу еден месец и гласале 67 посетители, да не речам IP адреси. За жал, не успеав да ја средам кирилицата, така што резултатите си останаа на латиница. Резултатите може да се видат на овој линк. Ќе има нова анкета деновиве.

Star Trek: Voyager од денес почнале да даваат на НашаТВ. Од 19:30. Добивав флаери низ град за ова, а видов и автобус излепен со реклама. Интересен потег, само што немам време баш време за гледање.

Излезе и вториот број на стрипот Star Trek TNG: The Last Generation. Ќе пишам нешто повеќе викендов.

Мејџел Берет (1932 - 2008)

2008-12-18T23:12:00.004+01:00

Денеска, на 76 годишна возраст, по долго боледување од леукемија, почина првата дама на Star Trek, Мејџел Берет-Роденбери, сопруга на творецот на франшизата, Џин Роденбери.

Мејџел Берет засекогаш ќе остане запаметена по нејзината улога како медицинската сестра Шапел во оргиналната серија. Покрај тоа, го позајмуваше гласот на компјутерот на USS Enterprise во оргиналната серија и The Next Generation, а исто така и гласот на компјутерот на USS Voyager и компјутерот на вселенската станица Deep Space Nine.

Мејџел неодамна го заврши и снимањето за новиот Star Trek филм, каде повторно го позајми гласот на компјутерот на USS Enterprise.

Нека почива во мир.

TOS избор: Patterns of Force

2008-12-02T21:27:00.003+01:00

Можеби и најконтроверзната епизода од оргиналната серија. Поради темата која инволвира нацизам и нацистички обележја (содржи дури и оргинална снимка од Хитлер) , епизодата уште тогаш била забранета во Германија и е емитувана дури во 1999 година и тоа на pay-per-view во доцните вечерни часови. Ова е 23-тата епизода од втората сезона.

Ентерпрајз е упатен на мисија кон планетата Екос, за да го земе историчарот Џон Гил кој престојува на таа планета. Бродот е нападнат од ракета направена со технологија за која жителите на Екос не би требло да имаат познавање. Стравувајќи дека е нарушена Примарната директива, Кирк и Спок се транспортираат на Екос. На планетата затекнуваат култура која е идентична на фашистичка Германија и владее нацизам, а фирер е токму историчарот Џон Гил.

Епизодата е полна со грешки, од продукциски до грешки во униформите и чиновите на униформите, но многу пати сум кажал дека баш од такви ситници е составена магијата на оргиналната серија. Меѓу другото, во епизодава го има најоргиналното бегство од затвор што некогаш сум го видел. Обрнете внимание и на зелената крв на Спок. А, интересен факт е дека штабот на нацистите се всушност канцелариите на Paramount Pictures. Ете, до толку бил мал буџетот.

Леонард Нимој во Star Trek XI

2008-11-25T20:46:00.007+01:00

Еве и слика (заедно со видео) од стариот Спок во Star Trek XI. Веројатно единствената светла точка во кастингот. Иако Леонард Нимој е видно остарен, не се сомневам во неговите квалитети и изведбата на Спок. Во оваа улога се појавува после цели 17 години, од кога последен пат се појави во "Unification", двојна епизода од петтата сезона на Star Trek: The Next Generation.

За крај, верзијата на Star Trek XI трејлерот во кој се појавува Леонард Нимој како Спок.

Првиот број на Star Trek TNG: The Last Generation [стрип]

2008-11-22T11:56:00.005+01:00

Верувам дека сите сакаме добра приказна сместена во алтернативен универзум. IDW Publishing овој месец започна нов мини-серијал под името Star Trek: The Last Generation. Секогаш им се радувам на нови IDW Publishing Star Trek стрипови, бидејќи како што изминува времето стануваат се поинтересни и поинвентивни. Месецов заврши и Star Trek: Mirror Images за кој наскоро ќе го рецензирам и ќе биде проследен со линкови за симнување на петте броја.

The Last Generation почнува со алтернативна верзија на дејство од филмот Star Trek VI: The Undiscovered Country, каде што капетанот Кирк не успева да го спречи атентатот врз Претседателот на Федерацијата на Китомерската Конференција. Тоа доведува до војна со Клингонската Империја и уништување на Федерацијата. Дејството се поместува во времето на Жан-Лук Пикард каде што тој предводи мал отпор против Клингонците кои ја имаат освоено Земјата.

Првиов број е само почеток, почнува ептен интересно и едвај ги чекам новите броеви. Може да се превземе од овој линк. До тогаш, погледнете ги стриповите кои веќе беа рецензирани на МакТрек, Star Trek TNG: The Gorn Crisis и Star Trek: Year Four.

Накратко за Star Trek: Phase II (ex-New Voyages)

2008-11-19T19:32:00.008+01:00

Ми се чини дека во повеќе наврати имам спомнато за Star Trek: New Voyages. Станува збор за популарната серија направена од фанови која ја продолжува тригодишната мисија на капетанот Кирк. Ги имам гледано првите епизоди и не се толку лоши, со оглед на тоа што се правени со минимален буџет и екипа создадена од ентузијасти кои не се занимаваат професионално со глума.

Луѓето зад New Voyages дури успеаа да вратат дел од старите ликови од оргиналната серија како гости, веќе ги имаа Валтер Кониг како Чехов и Џорџ Такеи како Сулу а гостуваше и Денис Крозби (Таша Јар). Епизодите се достапни за бесплатно симнување од официјалниот сајт. Од пред некое време името од New Voyages го сменија во Phase II. Незнам зошто, New Voyages беше многу пооргинално.

Она што повторно ми го сврте вниманието кон серијава, беше вчерашниот текст на TrekMovie. На серијата ќе и се приклучи нов актер како Спок, и тоа тип што неверојатно многу личи на Закари Квинто а ќе има и нова епизода наскоро. Добра вест, бидејќи типот што досега го глумеше Спок беше прилично лош. Сепак, се трудам да не сум премногу строг бидејќи сепак се работи за фан-серија, а не за абоминација која прети да го закопа Star Trek уште толку.

Интересно е да се погледне, во секој случај. Имам гледано повеќе вакви фан-серии и можам да кажам дека оваа е најквалитетната.

Star Trek: Phase II инаку е името на официјалното продолжение на оргиналната серија. Повеќе за тоа - тука.

Трејлерот за Star Trek XI

2008-11-15T10:51:00.009+01:00

Иако трејлерот официјално излегува во понеделник, веќе се појави на Интернет. Се работи за верзија со послаб квалитет бидејќи е кино-снимка, но во понеделник и на официјалниот сајт на филмот ќе го има во HD верзија. Ќе следи апдејт тогаш.

Не открива многу, но може да се види дека Star Trek XI ќе биде пренатрупан со специјални ефекти, промашени актери и детството на Кирк. Воопшто не сум импресиониран. Тоа што го видов од Спок и Кирк изгледа очајно. Сепак, проверете сами.

UPDATE: Веќе го има во HD верзија, достапен е на официјалниот сајт.

UPDATE II: Трејлерот може да се симне и од тука. Пасвордот за архивата е maktrek.

Star Trek XI: Конечно слика од Ентерпрајз!

2008-11-12T00:17:00.003+01:00

Прва слика од "новиот" Enterprise NCC-1701. Бев сигурен дека ова нема шанси да го утнат и мило ми е што така испадна. Нема поента Ентерпрајз да не изгледа како Ентерпрајз. Факт е дека е еден од најпрепознатливите елементи во Star Trek и неможеш да го смениш и да го направиш да изгледа поинаку.

Има ситни измени, но генерално тоа е тоа, и морам да признаам дека ми се допаѓа. Се надевам дека и горниот дел е исто така океј. Внатрешноста е таква каква што е, но тоа е тоа.

Кино-постери за Star Trek XI

2008-11-11T09:13:00.005+01:00

Се појавија првите постери за Star Trek XI кои ќе бидат излепени низ кината ширум САД. Едноставни, црно-бели тизер постери, кои на прв поглед на тие што не се фанови и не го следат развојот на филмот, не би им значеле многу. Веројатно за подобри (стандардни) постери, ќе треба да се почека уште некое време.

Постерите може да се превземат од официјалниот сајт.

Трејлерот ќе се појави наредниот понеделник, ќе го има и на официјалниот сајт. Викендов, Quantum of Solace, ќе се појави и во кината низ САД (кај нас веќе игра, го гледав) и трејлерот ќе биде прикажан пред филмот. Веќе е познато што може да се види во трејлерот, па ако некој сака да си прочита пред да го гледа, клик тука.

Captain's log, stardate -315839.1

2008-11-03T14:42:00.003+01:00

Како што може да се забележи, денес е додадена нова анкета (после толку време). Не функционира како што сакам, резултатите не ги покажува на кирилица, па да речеме, ќе биде привремена, додека не најдам некоја што ќе биде подобра. За ова прашање, ќе одиме со оваа.

Значи, што очекувате од новиот Star Trek филм? Ќе стои некое време, па гласајте.

Друго што е ново? Додадов линк во сајдбарот до постот со банерите, доколку некој ги сака да не мора да копа по архивата. Мејлот го додадов на истото место, по видливо е тука горе. Кога сум кај мејлот, пред некој ден добив мејл каде што еден читател ме прашуваше за линкот на галеријата на позадини што ја имаше порано. Скоро и да имав заборавено на тоа, па еве, ќе се потрудам да ја апдејтувам галеријата со позадини со поголема резолуција и ќе ја додадам во сајдбарот. До тогаш, еве го линкот со старите. Shareapic.net очигледно никогаш нема да си го решат проблемот со серверите, па затоа новата галерија ќе биде хостирана на друго место.

На мејлови одговарам кога ќе најдам време, па најубаво тоа што имате да прашате или да кажете, пишувајте го тука. Многу почесто го проверувам блогов, отколку мејлот. Ќе пробам да најдам и некоја скрипта која што би ги покажувала и новите коментари на постовите во сајдбарот, за да немора да чекаат одобрување со кое гледам каде има нови.

Star Trek XI: Уште нови слики од новиот број на Empire

2008-10-28T21:28:00.007+01:00

Додека не најдам слободно време (читај: до наредната недела), ќе мора вака со сликиве и новостите за филмот. Денес се појавија уште нови слики од новиот број на магазинот Empire. Додека чекаме на трејлерот, погледнете ги.

За жал, и понатаму има такви што мислат дека ќе биде нешто од филмов. Мене веќе почна да ми делува и навредливо.

Кирк?

Спок?

Океј...

Star Trek XI: Нови слики, нов стрип и детали за приказната

2008-10-18T10:20:00.004+02:00

Откако излегоа првите слики, се појавија и уште неколку други, објавени во новиот број на Entertainment Weekly. Иако мене ми изгледаат далеку од ветувачки, фановите ширум светот добро ги примија. Мене Спок не ми изгледа воопшто сериозно, а Кирк е премногу нежен за да ме убеди дека е капетан на Ентерпрајз. Остатокот е исто така промашен. Карл Урбан е МекКој? Хех.

Приказната е преполна со еден куп грешки. На пример, што бара Чехов на Ентерпрајз и во приказната пред првата мисија на бродот? Треба да е дете, премладо за Академијата а камоли за служба на Ентерпрајз.

Според информациите што деновиве се раширија, филмот треба да почне неколку години пред раѓањето на Кирк, со борбата помеѓу USS Kelvin (бродот што веќе го има на новиве слики) и Неро. Потоа продолжува со веќе видена приказна за патување низ времето, колку за да го видиме Леонард Нимој како Спок. А, што е со дизајнот? Сфаќам дека внатрешноста на Ентерпрајз неможе да изгледа како пред 40 години, но ова ми делува претерано. И, каде е жолтата униформа на Кирк?

Првиот комплетен трејлер треба да се појави со 007: Quantum of Solace во ноември, значи за помалку од месец. Во никој случај нема да ми го смени мислењето на подобро, како и да е.

Очекувам успехот на филмот да биде заснован на агресивната маркетинг кампања која треба да отпочне во јануари со нов приквел стрип, Star Trek: Countdown.

Инаку, во сајдбарот додадов ново мени каде што ќе ги ставам новостите за филмов. Во архивте може да се најдат уште куп други кои сметам дека не е потребно да се додаваат во менито, зошто филмот е веќе во пост-продукција.

Први слики од Star Trek XI

2008-10-16T15:28:00.006+02:00

Мислењето за Star Trek XI го кажав уште одамна и сеуште стојам зад секој напишан збор. Очекувам да биде катастрофа каква што досега се нема случено на Star Trek франшизата.

Како и да е, конечно се објавени неколку слики на кои може да ги видиме наследниците на оргиналната постава во соодветните униформи, ентериерот на Enterprise и негативецот Неро. Погледнете подолу.

Новиот стар екипаж.

Спок го дави Кирк?

Фенси, нели?

Ерик Бејна како Неро

TOS избор: Amok Time

2008-10-04T13:02:00.003+02:00

Првата епизода од втора сезона. Тука за првпат се дознава за Вулканската pon farr фаза, дел од животот на секој возрасен Вулканец, нешто што се јавува на секои седум години. Тоа е всушност Вулканскиот "период на парање". За време на pon farr, Вулканците се изложени на силен стрес кој може да заврши и смрт.

Вo оваа епизода Спок патува до планетата Вулкан кај што треба да се сретне со неговата жена T'Pring, која веќе има нов партнер. Спок е подложен на ритуалот koon-ut-kal-if-fee каде што треба да се бори до смрт за неговата жена која му е одредена во детството. Како негов противник е избран Кирк. Тука е сцената каде што Кирк и Спок се борат до смрт со традиционални вулкански оружја, проследена со музика која стана една од најпрепознатливите од оргиналната серија и Стар Трек воопшто. Исто така, култната сцена доживеа и неколку пародии во разни филмови и серии.

Во "Amok Time" првпат е прикажана планетата Вулкан и вулканските обичаи. Се појавува и старата вулканка T'Pau, како главна на церемонијата. Единствената вулканка која одбила да биде дел од Советот на Федерацијата. Можеби некој ја памти и од една епизода на Enterprise.

Епизодата има многу интересен завршеток. Изразот на лицето на Спок на крајот, никако неможе да ми излезе од глава. Инаку верувам дека повеќето ја памтите pon farr фазата на T'Pol во епизодата од Enterprise. :)

Трејлер за Trek Nation

2008-09-23T21:31:00.004+02:00

Trek Nation е нов документарец, чиј автор е Род Роденбери, син на легендарниот Џин Роденбери, творецот на Star Trek. Во документарецот ќе можеме да видиме повеќе за животот и идеите на Џин Роденбери, како и за влијанието на Star Trek во изминативе четириесетина години. Од тоа што може да се види од трејлерот (а, има доволно), убеден сум дека не очекува одличен документарец. Ќе има и постари интервјуа од Џин Роденбери, како и со членови од екипата што има работено на петте Star Trek серијали.

Сеуште нема дата на излегување, но се очекува да излезе некаде во 2009. На официјалниот сајт може да се погледне и новиот трејлер.

За крај, препорачувам два фасцинатни документарци посветени на фановите на Star Trek, Trekkies и Trekkies 2.

П.С. Периодов бев малку зафатен, се надевам од утре ќе продолжам со кратките рецензии на Star Trek епизоди.

42 години Star Trek

2008-09-08T17:35:00.002+02:00

Пред точно 42 години, на денешен ден е прикажана првата епизода од оргиналната серија, "The Man Trap". Епизода која го лансираше Ентерпрајз на телевизиските екрани и создаде феномен кој живее и денес, поддржуван од милиони фанови насекаде низ светот. Се сменија многу работи, но суштината на Star Trek и визијата на Џин Роденбери останаа исти.

На TrekMovie.com има интересни видеа од почетоците на Star Trek, па доколку некој сака да ги погледне, еве и линк.

Деновиве читав стари постови објавувани на МакТрек и сфатив колку од нив делуваат излитено, како да им поминал рокот. Дефинитвно е потребно мало освежување на некои статии, како на пример оние за оргиналната серија или Enterprise, дел од статиите за технологијата, расите и еден куп други. Ако ми дозволи слободното време, би требало периодов што следи да објавам барем нова статија за Star Trek: The Original Series, додека старата ќе си остане во архивите. Исто така, фалат некои раси што би сакал да ги има, па ќе се потрудам и околу тоа.

Сакам да ги вратам и анкетите што одеа секоја недела пред некои три години, а доколку има заинтересираност, би се отворил и нов форум.

Star Trek Year Four [стрип]

2008-09-03T16:20:00.003+02:00

Интересен стрип кој ги прикажува случувањата на екипажот на Enterprise NCC-1701 за време на четвртата година од легендарната петгодишна мисија. Во оргиналната серија ги видовме првите три години, а во анимираната серија останатите две. Star Trek Year Four е мал мини-серијал од само шест броја издадени во 2007 од IDW Publishing, а оваа година почна да излегува и продолжението - Year Four: The Enterprise Experiment.

Од неколкуте Star Trek TOS стрипови што ги имам прочитано, мислам дека овој е најблизок со серијата. Интеракцијата меѓу ликовите, приказните, па дури и околината е таква, каква што дозволувале тогашните сетови да биде. Единствено не ми се допаѓа што ги има Arex и M'Ress, ликови кои се дел од екипажот во анимираната серија. Детски и смешни ликови кои сум сигурен дека продуцентите ги вметнале само колку да ја направат серијата пошарена и понаивна за деца.

Импресониран сум од Star Trek стриповите на IDW. Цртањето и пишувањето е одлично, ликовите личат на актерите, а сценаријата иако се стриповски, суштински се блиски со серијата. Ги има сите моменти што се битен дел од серијата и ликовите. Има физичка пресметка на Кирк со вонземјанин, логиката на Спок, "He's dead Jim", членови на екипажот со црвени униформи кои гинат лесно и непријатели кои се многу слични на оние од серијата. Во еден број дури си прават блага пародија и сами на себе. На кратко, авторите ја користат формулата по која е правена серијата и ги склопуваат овие фини шест броја. Инаку, секој број на Year Four е издаден со три различни насловни страни.

Екипата што стои зад Star Trek Year Four е речиси истата од Star Trek TNG: Тhe Space Between, уште еден одличен стрип мини-серијал на IDW за кој наскоро ќе следи рецензија. Периодов сум многу повеќе загреан за TOS, па затоа повеќе на тоа ќе обрнувам внимание на МакТрек.

Нормално, за секоја рецензија на стрип ќе следат и линкови од каде што ќе може да се превземат во електронска верзија. Подолу ги имате сите шест броеви на Star Trek Year Four во .cbr формат. Доколку ви е потребно програмче за да ги отворите, клик тука.

Star Trek Year Four #1
Star Trek Year Four #2
Star Trek Year Four #3
Star Trek Year Four #4
Star Trek Year Four #5
Star Trek Year Four #6

TOS избор: Tomorrow Is Yesterday

2008-08-28T03:13:00.003+02:00

Епизодите со патување низ времето, алтернативни реалности или паралелни универзуми секогаш ми биле драги во сите СФ филмови и серии. Без разлика колку не биле научно издржани, па дури и апсурдни, секогаш успевале да бидат забавни. А, и онака ретко барам научни објаснувања во фикција. Star Trek има одлични приказни за патување низ времето, некои од најдобрите се од TOS.

Во "Tomorrow Is Yesterday", Enterprise е инцидентно е вратен назад во времето, во 1969 година. Навлезен во најгорните делови од Земјината атмосфера, фатен е од радар од Американската армија и забележан како НЛО. Армијата праќа пилот кој треба да го идентификува Enterprise кој ненамерно го уништува авионот, при што пилотот Џон Кристофер е транспортиран на бродот. Тука екипажот е соочен со проблем кој би можел да ја загрози и "сегашноста" од каде што доаѓаат, доколку инцидентот со Џон Кристофер го измени текот на историјата.

Тука за првпат се појавува и финтата со која патуваат низ времето. Спок предлага решение со кое Ентерпрајз летајќи кон Сонцето и користејќи ја неговата гравитација, ќе создаде искривување на времето и ќе може да се врати кратко време пред Ентерпрајз да биде забележан од од радарот и потоа нагло да се фрли во нивната сегашност. Теорија за која долго може да се дебатира, но да го оставиме тоа за некоја друга прилика.

Некако ми тргна со епизодиве од прва сезона. За следниот пат ќе гледам да има нешто од втора и трета со Клингонците.

Star Trek TNG: The Gorn Crisis [стрип]

2008-08-26T15:00:00.006+02:00

Како суплемент на кратката рецензија на TOS епизодата "Arena", еве еден стрип кој би го препорачал на сите Star Trek и стрип фанови. Стрипов е епизодата од TNG која за жал никогаш не ја видовме, а нема ни да ја видиме. Не ми е јасно зошто не ги вметнаа Горните во TNG, сега гледам колку се всушност одлична раса со кои може да се направи добра приказна. Со мали измени и поместување неколку години назад, приказнава од The Gorn Crisis одлично би можела да се вклопи во серијалот.

Капетанот Пикард и Enterprise-E, за време на Доминионската Војна се обидуваат да договорат алијанса со Горните, додека самите Горни се среде граѓанска војна. Пикард е заробен, Дата ја превзема командата, а Рајкер треба да соработува со група диви Клингонци при реставрирање на борбена тврдина.

Приказната се протега низ 90 страни, но брзо се чита. Можам да кажам дека ова е еден од најдобрите Star Trek стрипови кои сум ги прочитал до сега. Цртањето иако е феноменално, на почетокот е малку чудно. Не сум баш навикнат на вакво цртање, иако ликовите изгледаат веродостојно и скоро исто како што ги знаеме. А, последните неколку страници се мал додаток со податоци во врска со Горн расата.

Star Trek The Next Generation: The Gorn Crisis е издаден во 2001 година од WildStorm Comics кои во својот каталог имаат голем број на Star Trek стрипови.

Доколку некој го сака ова во електронска верзија, може да го превземе од овој линк. Тежи десетина мегабајти. Ако има заинтересираност, наскоро би следеле уште Star Trek стрипови.

МакТрек банери

2008-08-25T18:21:00.002+02:00

Направив банерчиња кои може да си ги ставите на вашиот блог, сајт, MySpace профил и секаде онаму каде што е дозволен HTML. За почеток еве неколку, а наскоро ќе има уште.

За да ги ставите банерчињата онаму кај што сакате, само ископирајте го HTML кодот од тука во кодот на вашиот сајт и сл.

TOS избор: Space Seed

2008-08-23T17:26:00.005+02:00

Уште една култна епизода од првата сезона, која подоцна ќе послужи како основа за еден од најдобрите Star Trek долгометражни филмови, Star Trek: The Wrath of Khan, како и неколку епизоди од Enterprise серијалот.

Екипажот на Enterprise NCC-1701 наоѓа мало вселенско летало, изградено со комори за спиење каде што наоѓаат 72 генетски подобрени луѓе, Аугменти, кои "спијат" патувајќи низ вселената од деведесетите години на дваесетиот век кога биле учесници во големите Евгенетски војни. Докторот МекКој успева да разбуди еден од нив, Кан Нуниен Синг, за кој подоцна дознаваат дека бил еден од најголемите агресори за време на војните и успеал да покори една четвртина од Земјата. Кан ја заведува Марла МекГајверс, историчар на бродот, па со нејзина помош (а со другите разбудени Аугменти) успева да го превземе целиот Ентерпрајз и се заканува дека ќе го убие екипажот доколку не му се придружат за повторно покорување на човештвото.

Кан е одличен негативец, еден од најдобрите што се појавуваат во целиот серијал и баш ме чуди зошто чекале толку долго (до филмот) за да ја продолжат приказната.

Инаку, епизодава има еден посебен незаборавен момент, сцената на крајот кога Кирк се бори со Кан - дублерот на Вилијам Шетнер што не личи ни малку на него, а сепак го има во целата сцена и тоа во кадри каде што е смешно од што е јасно дека не е Шетнер. Priceless.

TOS избор: Arena

2008-08-20T19:30:00.006+02:00

Деновиве решив да седнам и да гледам селектирани епизоди од The Original Series, онака релаксирано, некако не ми се гледаа отпочеток а и немам баш многу време. Веќе ги имам гледано еднаш и сега сакам да ги изгледам епизодите што ми оставиле најголем впечаток. За некои и нив, ќе пишувам и кратки анализи на МакТрек.

"Arena" е осумнаесетата епизода од прва сезона, една од најдобрите епизоди од сезоната и воопшто целата серија. Токму оваа епизода ги содржи скоро сите елементи кои ја прават оргиналната серија тоа што е. Впрочем, целата магија и убавина на TOS се базира на силната морална порака, евтините ефекти, просечната глума и единството на екипажот на Enterprise. Не се потребни скапи ефекти и пренапумпана акција за да се пренесе искрена порака и да се спакува во забавни 5о-тина минути.

Во "Arena", екипажот на Еnterprise e нападнат од Горнски брод. По кратка брканица, супер-интелегентна омнипотентна раса нарачена Метрони го транспортираат Кирк на пуста планета, каде што е приморан да се бори со капетанот на бродот на Горнскиот брод, раса на интелегентни хуманоидни рептили, прилично снажни и спори и со лоши гумени костими. Горнот е многу посилен од Кирк, што значи овој треба да најде некакво оружје за да го победи, а планетата освен неколку суви дрвца, изобилува со карпи и минерали кои на крај ќе испаднат многу покорисни отколку што изгледа.

Култна епизода, една од најкритикуваните Star Trek епизоди, најмногу поради изгледот на Горнот, често исмеван и од фанови и од други. Сепак, "Arena" и покрај тоа што е слабо технички поткована (имајте го во предвид нискиот буџет), е една од најдобрите Star Trek епизоди.

Нов трејлер за Star Trek Online

2008-08-12T13:13:00.002+02:00

Очигледно е дека откако Cryptic Studios ја превземаа MMORPG играта Star Trek Online, интензивно се работи на нејзиното развивање и промовирање. Деновиве се појави нов трејлер со видеа од самиот гејмплеј (не само анимација за промотивни цели или сл.), борби во вселената како и интеракцијата на самите ликови со околината.

Датум сеуште нема, но ако работите продолжат да се одвиваат со ваков интензитет, веројатно би бил објавен наскоро. Трејлерот го има во неколку верзии, кои можат да се погледнат на овој линк.

Нови постери

2008-08-10T19:28:00.008+02:00

Мислам дека во еден од претходните постови, бев доволно јасен околу моето мислење за новиот Star Trek филм. Денеска се појавија четири нови постери (кои ја комплетираат сложувалката лево, кликни за поголема верзија) за филмов кои се делеле на овогодинешниот VegasCon. Ајде да бидеме реални, кој ги препозна ликовите на постерите? Така и си мислев. На постерите се Сулу, Скоти, МекКој и Чехов.

Ете уште една работа ми ја докажа поентата дека новиот Star Trek филм е лоша идеја. Можеа бар да одат со Пол МекГилион како Скоти колку да не биде ептен катастрофален кастингот.

Патем, има нови скриншоти од Star Trek Online, ќе ги објавам кога ќе ги има со подобар квалитет, сега за сега клик тука.

Легендите никогаш не умираат

2008-08-09T20:07:00.004+02:00

Станува збор аудио верзија на книгата за враќањето на капетанот Кирк, напишана и читана од Вилијам Шетнер. Книгата е оргинално издадена во 1996 година и е една од најмаркантните Star Trek книги кои досега биле објавени. Имено, The Return ги следи настаните што се случуваат во филмот Star Trek: Generations, по смртта на Кирк и нешто пред настаните во Star Trek: First Contact.

Интересно е да се спомне дека Шетнер имал идеја враќањето на Кирк да биде вметнато во следниот Star Trek филм по Generations, но продуцентите сепак одлучиле да продолжат со филм кој ќе го содржи само екипажот на капетанот Пикард.

Аудио верзијата трае околу два и пол часа и на овој линк може да се превземе во mp3 формат. Постои и втор дел наречен Avenger, но за тоа во некоја друга прилика.

Cryptic Studios ја превзема Star Trek Online

2008-07-28T20:46:00.004+02:00

Како што се шпекулираше, Cryptic Studios (фирма која стои зад неколку помали MMORPG игри) официјално го превзема проектот Star Trek Online, MMORPG игра која се најавува веќе четири години и чиј развој претрпе неколку неуспеси. На новиот сајт, има и тајмер кој одбројува до големата Star Trek конвенција во Лас Вегас која ќе се случи на 10 август годинава, каде што се очекуваат новости околу играва.

На сајтот има неколку нови скриншоти од играта, како и некои информации. Дејствието ќе се одвива во 25 век, најавени се две фракции - Федерацијата и Клингонската Империја, а на форумите се спомнуваат бродови од периодот на TNG, DS9 и VOY.

Играта е сеуште во рана фаза на развој, нема потврдено датум на излегување, па најверојатно ќе треба да почекаме уште година-две.

Those were the voyages...

2008-07-22T14:25:00.001+02:00

По неколку месеци следење на развојот на новиот Star Trek филм, почнувам да мислам дека ова е една од најлошите идеи во историјата на филмот. Единствено нешто што би можело да му парира на ова, е римејк на Star Wars или Raiders of the Lost Ark. Знам дека веста за снимање на нов Star Trek филм возбуди многу фанови (ете, и мене) ширум светот, но ајде да бидеме реални. Колку навистина сакаат да видат други актери на местата на Кирк, Спок и останатиот екипаж? Star Trek не е James Bond, па дури и некој навистина да се потруди - нема да може ни да му се доближи на Вилијам Шетнер.

Се плашам дека и Star Trek го однесе виорот на римјеци и лоши продолженија, кој изминативе години е некаков тренд или нешто. Како веќе да нема оргинални идеи, се е веќе преџвакување на нешто што веќе е познато.

Star Trek секогаш сум го гледал како нешто што оди и треба да оди напред. Веќе видовме како функционирале работите пред капетанот Кирк, во Enterprise. Серијата колку и да беше океј, сепак имаше граници кои не смееше да ги помине, па затоа на пример, имаше раси кои мистериозно беа исчезнати во другите серијали. И ете, повторно, оди назад, и со актери кои ги носат имињата, униформите и дел од историјата на оние кои го калеа СФ жанрот.

Дали некој ги виде постерите? Освен тоа што Закари Квинто ги има ушите, дали нешто друго потсеќа на Star Trek што сите го сакаме?

Веројатно, најдобрата идеја ќе беше да се остави Star Trek во мирување бар уште некоја година. Да се пронајде навистина добра причина (освен парите) за повторно враќање, па макар било и Enterprise мини-серија или direct-to-video филм. Ете, нека е и со нов екипаж. Ги видовме веќе авантурите на Кирк, и барем јас сакам да ги памтам така како што се.

Нема врска ако Леонард Нимој се враќа како Спок. Нека се врати и Шетнер како Кирк - џабе. Се додека Сајмон Пег е Скоти, ништо не правиме. Сајмон Пег е одличен актер, но е далеку од добар избор за Скоти.

Нешто што повеќе ме плаши од новиот Star Trek филм, е серијата која би можела да настане од евентуалниот успех на филмот. А, што се однесува до мене, јас ќе се потрудам да го скокнам ова...

(текстот е оргинално објавен на Crapwerk)

50.000

2008-07-21T00:49:00.002+02:00

По три години постоење, Мак Трек ја достигна бројката од 50.000 посети. Мислам дека и нема подобар повод конечно да се избрише прашината што беше тука со месеци и конечно да се мрдне од некоја мртва точка.

Десетина дена експериментирав со дизјанот, пробував различни комбинации и се решив за овој едноставен изглед кој сметам дека одговара и изгледа симпатично. Покрај тоа е прегледен и функционален. Долколку има некои ситници што ненамерно се испуштени, ќе се потрудам да ги средам.

Три години. Незнам што да кажам, освен да им се заблагодарам на сите кои го читаа блогот и придонесоа на било кој начин, а и да им се извинам на сите оние на кои им недостасуваше. Благодарам за секој мејл во изминативе неколку месеци, мислам дека успеав на сите да одговорам.

Иднината на Мак Трек, иако е неизвесна, сигурен сум дека ќе донесе позитивни работи. Неможам да ветам редовна активност, но секако дека нема да дозволам толку долга пауза.

Благодарам уште еднаш, и поздрав до сите!

Star Trek XI: Трејлер!

2008-01-19T11:15:00.001+01:00

Првиот тизер трејлер за новиот филм. Не открива многу, но интересно е да се погледне. Видеото е со малку лош квалитет. Сигурно ќе има подобра верзија деновиве.

Жените во Star Trek: TOS

2007-12-27T10:30:00.000+01:00

Обемна галерија на жените кои се појавиле во оргиналната серија. За сите оние кои мислеа дека само 7 of 9 и T'Pol се убави. :)

Ацо, фала. Клик тука.

Првата епизода на Star Trek: Of Gods And Men

2007-12-23T13:16:00.000+01:00

Конечно излезе првата епизода на мини-серијалот Star Trek: Of Gods And Men. Епизодата може да се погледне тука.

Star Trek XI: Слики од Закари Квинто како Спок

2007-11-13T12:46:00.000+01:00

JFX објави неколку слики од Закари Квинто како Спок, снимени на снимањето на новиот филм. Сликите се со послаб квалитет, но вреди да се погледнат. Клик тука.

Започна снимањето на новиот Стар Трек

2007-11-07T17:26:00.000+01:00

Денеска конечно започна снимањето на новиот Стар Трек филм, во режија на J.J. Abrams ("Lost", "Mission Impossible"). Филмот ќе биде во продукциска фаза до март 2008, а неговата премиера е најавена за декември истата година.

прочитај повеќе...

Star Trek XI: Екипажот е комплетиран!

2007-10-19T10:26:00.001+02:00

Конечно се знаат имињата на актерите кои ќе го толкуваат оргиналниот екипаж на Enterprise. Беа објавени и тука, заедно со сите шпекулации и гласини. Луѓето од Slashfilm направиле монтажа, која може да се погледне подолу. Исто така, еве и линк до оригалната вест, каде што има по некоја информација за секој од новите актери, нормално, проследена со слика.

Деновиве ако имам време, ќе направам и едно мени од страна, каде што ќе одат сите новости за Star Trek XI. Во меѓувреме, погледнете го најновото интервју со Вилијам Шетнер, кое излезе вчера, каде што зборува за новиот филм.

Star Trek XI: Кирк, Скоти и Сулу

2007-10-12T12:48:00.001+02:00

(од лево кон десно: John Cho, Simon Pegg, Chris Pine)

Конечно нови актери во екипата за новиот Стар Трек филм. Потврдени се Џон Чо (Сулу) и Сајмон Пег (Скоти). Сајмон Пег на публиката и е познат по неговите успешни остварувања како Shaun of the Dead и Hot Fuzz, каде што се јавува како актер и сценарист.

За улогата на Кирк, деновиве се спомнува актерот Крис Пајн, но сеуште не е потврдено.

UPDATE: Крис Пајн е новиот Кирк.

Спок

2007-10-09T10:51:00.000+02:00

Спок е мешавина од двете раси, тој припаѓа и на човечката и на вулканската. За време на неговата служба во Ѕвездената Флота како офицер за наука и прв офицер, работејќи под команда на капетани како Кристофер Пајк, Џејмс Т. Кирк, неговото искуство, логика и храброст, му помогнале да стане еден од најценетите личности на неговото време.

Неговото целосно име е неизговорливо за припадниците на човечката раса и затоа го викаат само Спок. Тој е роден во 2232 година на планетата Вулкан, од мајка припадник на човечката раса, инаку наставничка во училиште и татко вулканец, инаку научник и дипломат.

Неговите родители биле свесни за потешкотиите што би ги имал Спок за време на животот на татковата планета, меѓу другите вулканци, знаеле дека “човечката половина” во него нема никогаш вистински да се адаптира.

Наспроти посветување на Вулканската Научна Академија, тој изрази желба за Ѕвездената Флота, што доведе до прекин на комуникација во време од 11 години со неговите родители.

Работата како офицер за Ѕвездената Флота ја започна во 2250 година, а четири години подоцна добива задача на USS Enterprise, на чело со капетанот Пајк.

Во 2265 година, кога командата на Enterprise ја превзема Кирк, Спок му помага да открие предавник ( TOS епизодата "Where No Man Has Gone Before") и така Кирк ја здобива довербата во Спок, по што го назначува за Прв офицер. Оттогаш, Спок и Кирк, заедно и храбро ги преминуваат сите препреки кои им го попречуваат патот. За време на службата, Спок и останатиот дел од екипажот беа први од Ѕвездената Флота што оствариле визуелен контакт со Ромуланците.

Спок и екипажот биле напаѓани, заробувани, а тој помагал, скоро секогаш барајќи го најлогичниот излез од ситуацијата.

По завршување на 5-годишната мисија на USS Enterprise, Спок се враќа на Вулкан. Поради одредени ситуации за време на мисијата, во кои тој видно покажува емоции, решава да се подложи себеси на ритуал со чија помош ќе ги избрише последните емотивни траги од себе. Но Спок во последен момент се предомислува и се враќа во Ѕвездената Флота од професионални и лични причини.

За време на една мисија во 2285 година, Спок го жртвува својот живот поправајќи ги плазма спроводниците на USS Enterprise, со цел да го спаси екипажот. На погребот, неговото тело беше испукано во торпедо-капсула во вселената. Ковчегот ќе падне на Генезис Планетата, на која радијацијата ќе предизвика оживување на телото на Спок. Откако Кирк ќе го дознае ова, веднаш ќе замине на лична мисија-да ги соедини телото и душата на Спок. Мисијата заврши успешно.

Подоцна, на една конференција, Спок предлага помирување меѓу Федерацијата и Клингонската Империја. Идејата за алијанса нема да биде прифатена, поради владеење на општото мислење за Клингонците за брутални одметници, кои прават се само за ширење на нивната империја.

Подоцнешните години Спок ги поминува како Амбасадор за Федерацијата во Ромулус, работејќи на подобрување на Вулканско-Ромуланските односи.

Ивана

20 години Star Trek: The Next Generation

2007-09-28T20:38:00.000+02:00

Пред точно 20 години, на оваа дата, е прикажана првата епизода од Star Trek: The Next Generation.

Star Trek XI: Нови гласини за Кирк и Скоти

2007-09-27T14:04:00.000+02:00

Конечно нови гласини/новости околу кастингот за новиот Стар Трек филм. За улогата на Скоти, се спомнува актерот Пол МекГилион, на публиката познат како Др.Бекет од Stargate: Atlantis. Актерот е со шкотско потекло и има 38 години. Учествувал на аудицијата за новиот Стар Трек филм во Лос Анџелес, па останува да видиме дали неговото учество ќе биде потврдено.

Актерот Мајк Вогел, е исто така спомнуван, но за улогата на капетанот Кирк. Актерот има 28 години, и е познат по минатогодишниот филм “Poseidon”.

Снимањето на новиот Стар Трек филм би требало да почне наскоро, па да се надеваме дека во најскоро време ќе го имаат комплетниот кастинг.

Официјално: Зое Салдана е новата Ухура

2007-09-18T14:30:00.000+02:00

Пред две недели имаше муабети дека Зое Салдана ќе биде Ухура, во новиот Стар Трек филм. Конечно, овие тврдења се официјализирани од Парамаунт.

Досега, потвредни се Zachary Qunto (младиот Спок), Anton Yelchin (Чехов) и Leonard Nimoy како постариот Спок.

Сеуште ништо не познати кој ќе ги толкува улогите на МекКој, Скоти, Сулу и нормално, Кирк.

Според мене, Салдана е добар избор за Ухура.

Клингонски оружја

2007-09-12T13:50:00.000+02:00

Андреј напиша одлична статија за Клингонските оружја. Еве дел од нив, за останатите кликнете тука.

Birth of a Blade

Before a weapon is
the soul of a warrior,
it is first
the heart of the craftsman.
Forged with the heat
of passion,
Cooled with
blood tainted sweat,
Shaped with a
vision of perfection,
as the master wields the hammer.

M'Ikiro 1-19-98

Општо познато е дека клингонскиот воин е скоро секогаш вооружен. Ниту еден клингонец не се соочува со смртта невооружен, макар тоа да е и најобичен бодеж. Клингонските оружја за борба гради в гради потекнуваат од примитивните оружја на клингонците, од кои повеќето се инспирирани од природата.

Bat'leth

Bat'leth-от е секако највпечатливото од сите клингонски оружја. Иако неговите димензи зависат претежно од физичката големина на воинот кој го користи, вообичаено е да е со должина од 1 m (мерено од врв до врв) и 30-35 cm од гребенот па до врвот на мечот. Оргинално Bat'leth-от се изработува од коска, поточно од черепот на еден вид на риба својствена за клингонскиот матичен свет, наречена "Shadow fish", пред се поради својата природа да лови скоро невидлива од дното, слично на ражите (види слика).

Daqtagh

Личното оружје на секој клингонски воин, и нејчесто користен во дуели. На сликата е прикажан целосен нож, односно со moQ (сферичен завршеток), DuQwI'Hommey(игли) и амблем на куќата на која припаѓа. Должината на ова оружје варира, она на сликата е со должина 30 cm од кои 10 отпаѓаат на дршката. Подолу следат различни варијации на ова оружје.

Mek'leth

Mek'leth или "Bridge sword" е оружје со дебелин од 8 mm и должина од околу 50 cm, целоно изработен од метал, со дршка обмотана со кожа. Се користи за борба гради в гради бо тесни порстории и обично го користат воини со брзи рефлекси.
Неговиот историјат е мошне интересен. Потекнува од држачите за инсталаци кои се наоѓаат на клингонските бродови, како на сликата.

The Sword Of Khaless

The Sword Of Khaless, со кој, според легендата, Khaless го победил тиранот Molor пред истото оружје да го нарече bat'leth, односно "меч на честа". Според истата легенда, мечот го направил од прамен од својата коса кој го потопил во вулканот Kri'stak, и додека сеуште горел го потопил во езерото Lursor и го извиткал во форма на оружје.

Прочитај го остатокот од статијата.

Elim Garak

2007-09-07T20:14:00.000+02:00

Елим Гарак е еден од најфасцинантните карактери во серијалот Star Trek, тој се појавува во многу епизоди од серијата Deep Space Nine и е од клучно значење во одвивањето на настаните. Малку се знае за неговото минато, негов татко е Enabran Tain кој е главата на Obsidian Order, тајна елитна Кардасијанска разузнавачка агенција од која кардасијанците најмногу се плашат.

Уште како млад, Garak ја почнува својата кариера во Obsidian Order, со неговите вештини тој брзо прогресира низ ранковите на оваа тајна кардасијанска организација и постанува десна рака на Enabran Tain. Познато е дека додека бил во служба во организацијата тој има извршено многу тајни мисии, заговори и убиства на дипломати и познати личности од други планети и сончеви системи. Понатамошната соработка со Обсидианскиот ред почнува да опаѓа и тој е протеран од Кардасија на станицата Terok Nor, која подоцна после доаѓањето на Федерацијата ќе биде преименувана во Deep Space Nine.

После повлекувањето на Кардасијанските трупи од планетата Бејжор (Bajor), Гарак е оставен на милост и немилост на народот кој бил под тешко ропство од страна на Кардасијанците. Единствената околност што можеби му го спасува животот на Гарак е тоа дека станицата и е доверена на Федерацијата која е на неутрална страна. На многу начини тој се обидува да ја врати изгубената доверба од Кардасијанската влада, дури и ги шпиунира преговорите за членство помеѓу Бејжор и Федерацијата но ништо од тоа не му помогнува да ја поврати изгубената доверба од неговиот народ.

Гарак е лажливец, крадец, опортунист, особини кои му помагаат да опстане жив во организација како Obsidian Order. Нешто многу карактеристично за него е тоа што Кардасија се откажува од него, но тој никогаш не се откажува од својата татковина, тој останува лојален на неа и покрај фактот дека е протеран доживотно од неговото родно место.

Според мене тој е еден од најинтересните ликови во серијалот Star Trek, и секогаш кога ќе го видев името Andrew Robinson (името на актерот што го глуми Гарак) знаев дека епизодата ќе биде многу интересна.

Зое Салдана - новата Ухура?

2007-08-30T02:08:00.000+02:00

Почнаа да се шират гласини дека актерката Зое Салдана, која патем е и манекенка, има шанси да ја добие улогата на офицерот за комуникации, Ухура. Договорот и бил понуден од Парамаунт, но актерката има пополнет распоред, и ќе биде зафатена со улогата во новиот филм на режисерот Џејмс Камерун, Avatar. Снимањето на Avatar би требало да започне во октомври 2007, а почетокот на снимањето на новиот Стар Трек филм е закажан за средината на ноември.

Во оргиналната серија и филмовите, улогата на Ухура ја толкуваше актерката Нишел Николс, за која нема никакви информации дали ќе се појави во новиот филм.

Новости за новиот Спок

2007-08-29T12:55:00.000+02:00

Последниов период вниманието на Стар Трек јавноста и медиумите е сконцентрирано кон новиот Спок, актерот Закари Квинто. Квинто изминатиов период интензивно се дружи со неговиот постар колега Леонард Нимој, оргиналниот Спок од сериите и филмовите. Квинто исто така изјави дека веќе се подготвува за улогата на младиот Спок, и дека неговиот Спок ќе има повеќе емоции од оној на Нимој.

Исто така, познато е дека Квинто има потпишано договор со Парамаунт, за толкување на улогата на Спок во наредните Стар Трек филмови и серии.

На овој линк, имате целосно интервју со Закари Квинто, каде што зборува за неговата улога во новиот Стар Трек филм, и слични други интересни работи.

Домашно кино

2007-08-21T18:03:00.000+02:00

Гери Реин решил своето уживање во Стар Трек да го зголеми, со тоа што си изградил домашно кино. Неговото кино е комплетно инспирирано од Стар Трек, што повеќе делува како вселенски брод, отколку како кино.

Од чистењето на подрумот каде што е сместено киното, до комплетното завршување му биле потребни две години и 15.000$. Киното е опремено со Sony LCD проектор, 7.1 сараунд, ДВД плеер и колекција на Стар Трек ДВД-ја.

Гери, за ова негово дело има добиено и награда.

За повеќе слики и информации за Стар Трек киното, кликнете тука.

Jonathan Archer

2007-08-17T13:16:00.000+02:00

Џонатан Арчер е легендарен oфицер на Ѕвездената Флота и капетан на Enterprise NX-01, прв ворп 5 брод на Обединетата Земја. Во таа улога, тој е одговорен за зголемувањето на присуството на Обединетата Земја во Алфа и Бета Квадрантот, и запознавање на многу нови раси, меѓу нив и Клингонците, Андоријанците и Ксиндите.

Како еден од најважните луѓе во внатрешната историја , Арчер е целосно заслужен за спасувањето на Земјата од Ксиндите и исправајќи го патот за создавање на Обединетата Федерација на Планети. Тој продолжува, и станува еден од најраните претседатели на федерацијата.

Иако роден во Њу Јорк поголемиот дел од животот Арчер го поминува во Сан Франциско, виновник за ова е татко му кој го усовршувал ворп моторот дизајнирајќи го Enterprise NX-01. Kога Арчер имал само 12 години татко му починува. Неколку години пред појавувањето на Ѕвездената флота Арчер размислува да служи во Трговски брод, но набргу таа ја отфрла таа идеја. Мисијата на Арчер започнува во 2151 година како капетан на Enterprise NX-01. Мисијата била да го вратат клингонскиот офицер Кланг на Кронос. После успешната мисија следуваат уште многу, многу мисии и патувања се до крајната граница на вселената.

испратил: Диме

Линкови:
Star Trek: Enterprise
Star Trek Политика #2

Captain's log, stardate -316621.55

2007-08-15T20:48:00.000+02:00

Одамна не сум пишал ваков пост. Значи, што е ново на МакТрек? Додадена е галерија на десктоп позадини во левото мени, најдолу. Обновена е рубриката "Статија на неделата", каде што секоја недела ќе се објавуваат линкови до интересни статии кои се закопани во архивите на МакТрек.

Деновиве ќе бидат објавени две статии, испратени од читатели. Исто така, можно е проширување на екипата која го работи блогот, но за тоа, кога ќе биде официјално.

Блогот си продолжува со ова темпо, значи ќе се објавуваат новости во врска со Стар Трек и новиот филм, статии, ќе има апдејти на галеријата, а можни се и анкети какви што имаше порано.

Kathryn Janeway

2007-08-13T20:44:00.000+02:00

"There are three things to remember about being a starship captain: keep your shirt tucked in, go down with the ship, and never abandon a member of your crew."

Кетрин Џејнвеј е офицер на Ѕвездената флота, која живее и работи за време на 24-от век. Таа е највеќе позната и почитувана како капетан на USS Voyager. За време на нејзината служба, таа стана првиот капетан на Федерацијата кој успешно пропатувал низ Делта Квадрантот , наидувајќи на многу нови цивилизации и планети , во текот на 7 годишното патување , вкучувајќи ги и бројните соочување со Борг. Џејнвеј е позната како голем љубител на кафе.

Џејнвеј е родена 20-ти Мај во Блумингтон, Индијана, планетата Земја. За годината на раѓање говорат различни податоци, од кои едните (во епизодата “The Killing Game”) велат дека е родена во 2344, што би значело дека на 27 годиншна возраст, ја превземала командата врз USS Voyager. Според другите извори, имала 35 години кога започнала нејзината мисија на USS Voyager, што би водело до 2336 како нејзина дата на раѓање.

Води потекло од татко адмирал во Ѕвездената флота, а и таа, по завршувањето на мисијата на USS Voyager, е назначена за адмирал.

Џејнвеј ја започнува својата кариера на бродот USS Al-Batani, под команда на капетанот Овен Парис. Подоцна, во 2371 ја завзема капетанската позиција на USS Voyager. Првата мисија на USS Voyager е да го лоцира изгубениот Maquis брод. Додека трае потрагата, USS Voyager наидува на енергетски бран, предизвикан од битието Caretaker, коишто ги носи во Делта Квадрантот. Оттука, USS Voyager заедно со дел од екипажот на Maquis се наоѓа пред најтешката мисија- да се врати 70.000 светлосни години назад до дома.

(Благодарност до Ивана за текстот)

Линкови:
Star Trek: Voyager
Капетан Jean-Luc Picard
Капетан Benjamin Sisko
Капетан James T. Kirk

Тим Рас зборува за "Star Trek: Of Gods And Men"

2007-08-10T14:03:00.000+02:00

Одамна најавениот мини-серијал "Star Trek: Of Gods And Men", иако е одамна снимен, неговото прикажување се одложуваше неколку пати. Првата епизода беше најавена за април 2007, па се појавија првите три минути од истата, за на крај да биде повторно одложено прикажувањето.

Режисерот на "Star Trek: Of Gods And Men", Тим Рас (попознат како вулканецот Тувок од Star Trek: Voyager) на конвенцијата во Лас Вегас, која започна вчера, изјави дека премиерата на ST: OG&M ќе биде во септември оваа година. Според Рас, одложувањето се должи на работата на компјутерските ефекти за вториот и третиот дел од мини-серијалот. Исто така, тој вели дека првиот е готов, но сакаат да ги завршат останатите два, пред да излезе првиот.

Покрај ова, фановите имаат можност да го погледнат новиот трејлер, на официјалниот сајт на "Star Trek: Of Gods And Men".

Започнува големата Стар Трек конвенција во Лас Вегас

2007-08-09T12:02:00.000+02:00

Денеска во Лас Вегас започнува една од најголемите Стар Трек конвенции во светот. Конвенцијата е организирана од страна на Creation Entertainment, и ќе се одржи во "Хилтон" хотелот, каде што исто се наоѓа Star Trek: The Experience.

Организаторите очекуваат појавување на 15.000 фанови од целиот свет. Ќе се појават повеќе од 70 актери и останатиот дел од екипата (луѓето зад камерите), кои бил дел од Стар Трек во изминатите 40 години. Меѓу другите, ќе се појави целата актерска екипа на TOS, заедно со Вилијам Шетнер, како и поголемиот дел од TNG.

Програмата е неверојатна, и повеќе од сигурно е дека фановите ќе имаат добра забава во Лас Вегас.

Конвенцијата почнува на 09.09, и ќе трае до 12.09.2007 година. За повеќе информации, како програмата и списокот на гости, проверете го официјалниот сајт на Creation Entertainment.

Долколку сте заинтересирани како беше лани на истава конвенција, кликнете тука за галерија со слики.

Star Trek XI: Чехов и Пајк (новости и гласини)

2007-08-08T14:21:00.001+02:00

Сигурно се сеќавате дека минатата година кружеа гласини дека во улогата на капетанот Кирк, ќе се појави Том Круз. Најновите гласини се дека Том Круз ќе се појави во улога на првиот Стар Трек капетан - Кристофер Пајк (TOS, "The Cage"). Најверојатно капетанот Пајк ќе има мала улога во новиот филм.

Исто така, доаѓаат и новости во врска со кастингот, поточно за ликот на Павел Чехов. Како опција се спомнува актерот со руско потекло - Anton Yelchin.

Инаку, почетокот на снимањето на новиот Стар Трек филм е закажан за 5-ти Ноември 2007 година. Наскоро треба да има повеќе новости за кастингот. Сеуште е неизвесно дали Вилијам Шетнер ќе се појави во улогата на капетан Кирк.

Нереализирани Стар Трек проекти

2007-08-05T23:06:00.001+02:00

Во изминативе триесетина години, биле во план неколку Стар Трек проекти, односно филмови и серии кои никогаш не успеале да ја видат светлината на денот. Покрај пропаднатите планови за уште понекоја сезона на TOS и ENT, еве што друго било во план:

Star Trek: Planet of the Titans (1976-1977)
Ова требало да биде првиот долгометражен филм, со приказна која ги инволвирала Клингонците. Подоцна, плановите за филмот се преточуваат во идејата за Star Trek: Phase II, што подоцна станува Star Trek: The Motion Picture.

Star Trek: The First Adventure (1989)
Според насловот, лесно е да се открие дека станува збор за што станува збор. Да, филмов требало да ги прикаже младите денови на капетанот Кирк, заминувањето на Академијата и среќавањето со Спок. Зар не ви звучи ова како муабетите што се шират за новиот Стар Трек филм?

Star Trek: IMAX (1997)
IMAX 3D филм, полн со ефекти и со времетрање од 40 минути. Покрај буџетот од 10 милиони долари, овој проект е откажан.

Star Trek: The Beginning (2005)
Е, за ова спомнавме и на МакТрек уште поодамна. Приказната требаше да биде сместена во 2010 година. Ви текнува? После го баталија тоа и се префрлија на она што би требало да биде единаесетиот Стар Трек долгометражен филм.

Продолжение на Nemesis
Бил планиран уште еден филм со екипажот од TNG, но поради слабиот финанскиски успех на Nemesis, и овој проект е откажан.

Star Trek: Phase II
За ова пишувавме пред две години. Клик тука.

Анимиран TOS/TNG кросоувер (1990)
Мене ми звучи прилично интересно, но не им звучело така и на луѓето од телевизиите на коишто им била понудена оваа идеја.

Star Trek: The Lions of the Night (2003)
Првиот 3D CGI анимиран Стар Трек филм, со капетанот Сулу и Enterprise-B.

HD ре-мастеринг на TNG?

2007-07-29T17:26:00.000+02:00

Додека ги чекаме ре-мастеризираните епизоди на Star Trek: The Original Series да излезат на ДВД (планирано е за крајот на оваа година), почнаа да кружат муабети дека и Star Trek: The Next Generation ќе бидат обработени на истиот начин, во HD формат. Веќе е завршен тестот на една епизода, но останува да видиме за понатаму.

Би било интересно да се види и TNG со подобрени ефекти, иако старите си се сосема во ред.

Старите епизоди поминаа низ многу подобрувања со разни CGI ефекти. Ентерпрајз, планетите, старите нацртани позадини се заменети со нови компјутерски анимации и сл. Исто така, и музиката и монологот на капетанот Кирк се ре-мастеризирани. Епизодите не беа прикажувани по редослед, туку по изборот на фановите.

извор: TrekMovie.com

E-Day: Ден посветен на Ентерпрајз

2007-07-27T19:20:00.000+02:00

Капањата за спасување на серијалот “Enterprise” продолжува понатаму. На 5-ти август 2007, ќе има случување, наречено E-Day, кога фановите ќе треба да покажат дека го сакаат овој серијал назад. Значи, ќе се испраќаат писма, поштенски картички и слични други работи (до Paramaunt нормално) кои ќе ја означуваат веќе познатата Save Enterprise капања. Секој фан ќе може да земе учество, на било кој начин кој би помогнал за враќањето на “Enterprise”.

“Enterprise” е засега последниот Стар Трек серијал, кој по четири успешни сезони, престана да се емитува во 2005 година. Фановите веќе цели две години прават напори да го поттикнат неговото враќање на телевизијата. Останува да видиме како ќе помине E-Day, и дали ќе даде позитивни резултати.

Новиот Спок?

2007-07-26T11:23:00.001+02:00

Гласините за ѕвездата од “Heroes”, Zachary Quinto, во улогата на Спок во новиот Стар Трек филм, почнаа да се шират уште од декември минатата година. Како што поминуваше времето, гласините се претвараа во новости, па тука беше и изјавата на режисерот Абрамс, кој изјави дека бара помлади и помалку познати актери.

Но, вчера сајтот Moviehole изјави дека според нивните извори во Парамаунт, веќе е сигурно дека го имаат новиот Спок, односно Квинто. Исто така, деновиве би требало да дознаме нешто повеќе околу кастингот за новиот филм.

Нов почеток!

2007-07-23T23:17:00.000+02:00

Здраво на сите!

После долга пауза од неколку месеци, МакТрек е повторно тука, во ново, освежено издание. Во почетокот на август, МакТрек го слави својот втор роденден, и поради тоа решив да го обновам она што обедини многу Стар Трек фанови во Македонија.

Ова што моментално го гледате и читате, требаше да биде објавено за една недела, но неможев да издржам. Го имав дизајнов спремено пред скоро недела дена, и едвај чекав да го заменам со стариот. Исто така, во текот на неделава, можни се мали измени на дизајнот, во зависност од идеите што ќе ми дојдат.

Значи, продолжуваме понатаму! Иако правев муабет со некои од другите уредници на МакТрек за ре-активирањево, незнам кој сигурно ќе почне повторно да пишува. Но, во секој случај, јас ќе се потрудам да објавувам нови текстови, што е можно почесто. Тоа е тоа. Деновиве ќе има нови текстови, а до тогаш – забавувајте се со старите ако не сте ги прочитале. Има околу 130. :)

Поздрав, и фала им на оние што беа со нас овие две години.

Абрамс потврдува: Кирк во новиот Стар Трек

2007-04-19T17:59:00.000+02:00

Иако до сега се знаеше/претпоставуваше/шпекулираше дека Кирк ќе биде во новиот филм, режисерот Абрамс го потврди тоа во новиот број на Star Trek Magazine кој излезе деновиве. Тој исто така изјавува дека сценариото е конечно готово, филмот официјално оди во пре-продукција и наскоро се почнува со снимање.

Интересно е тоа што не открива кој период од животот на Кирк ќе биде покриен во филмот. Тука е отворена шансата да се врати Вилијам Шетнер како Кирк, барем во некоја сцена.

"Of Gods And Men", три минути од првиот дел.

2007-04-16T22:45:00.000+02:00

Премиерата на првата епизода на мини-серијалот "Star Trek: Of Gods And Men" беше закажана за вчера, но на сајтот се појавија само првите три минути. Според сајтот, наскоро ќе може да се погледне целата епизода.

Три минути е премалку да се оцени мини-серијата така што нема да коментирам за тоа; интересно почнува, но сепак ќе почекаме за целата епизода која ќе трае околу половина час.

Верувам дека ќе може наскоро да се погледне, зошто чекаме околу 10 месеци.

Инаку, сајтот е комплетно сменет, има пристоен дизајн, има трејлери, 3 минутно видео и нови слики. Клик тука.

Специјален пост

2007-03-23T02:06:00.000+01:00

Со мало задоцнување од еден ден, да му честитаме роденден на Вилијам Шатнер, едниот и единствен капетан Кирк.

“He may not have the acting chops of an Olivier, or the sophisticated suaveness of a Connery. He may not be a generic pretty-boy like any given fill-in-the-blank movie star. But you cannot keep your eyes off of him.”

76 и не е така мала бројка. :)

Официјално: Стар Трек се враќа на Божиќ 2008

2007-03-04T12:46:00.000+01:00

Премиерата за новиот Стар Трек филм е закажана за Божиќ 2008. Снимањето би требало да отпочне, штом се заврши со сценариото и кастингот. Моментално кружат гласини за кои актери би можеле да ја играат славната тројка. Во комбинација е повторно Мет Дејмон како Кирк, додека Адријан Броди и Гери Синиз би биле Кирк и МекКој.

Of Gods And Men, конечно

2007-02-25T02:36:00.001+01:00

По декемвриското одложување OG&M, кое наводно беше со цел да се дообработат и подобрат филмските ефекти, времето и датумот на прикажување на трите дела е познат:

Прв дел: 15 Април 17:01*
Втор дел: 13 Мај 17:01
Трет дел: 17 Јуни, 17:01

Па, да се надеваме дека чекањето вредело.

*East Standard Time

Јануарски случувања

2007-01-31T22:02:00.000+01:00

• Патрик Стјуарт (Капетан Пикард) кој работи како советник на Универзитетот Huddersfield во Јоркшир, ќе биде гостински професор на современиот театар во Универзитетот Оксфорд. За оваа извонредна покана Стјуарт го изјавил следново: "I am honoured, delighted, thrilled to bits and tickled pink". :) Предавањата ќе започнат во Април.

• Кејт Мулгроу (Капетан Џејнвеј) ќе биде меѓу авторите на книгата “Гласови на Алцхајмеровите” (Voices of Alzheimer’s), дело на организацијата “The Healing Project”. Книгата ќе се состои од приказни на луѓе кои се справуваат со последиците од Алцхајмеровата болест, а парите од продажбата ќе бидат наменети за истражувања и добротворни цели. Кејт е активна и во театарот; на 22 Февруари во New York City Center’s Stage II започнува со изведба претставата “Our Leading Lady” во која таа ја има улогата на Laura Keane, а дел е и од актерската екипа на “History Girls”, која ќе биде изведена на 12 Февруари.

• Александер Сидиг (Џулијан Башир) учествува во најновиот филмски проект на Нил Маршал, Doomsday. Во овој футуристички трилер Сигид ќе ја игра улогата на Хачер, британски премиер. Снимањето започнува следниот месец, на локации во Јужна Африка и Велика Британија. Сигид и понатаму е дел од серијата “24” каде ја игра улогата на Хамир Ал-Асад.

• Вилијам Шетнер (Капетан Кирк) неодамна имаше интервју во Time magazine, насловено како 10 Прашања за Вилијам Шетнер. Во него беа дискутирани теми поврзани со неговата улога во серијата Boston Legal, комедија која се емитува на телевизијата ABC од 2004 година. Шоуто на Шетнер насловено како “Show me the money” е откажано по едномесечно прикажување, и заменето со “Аmerica's Funniest Home Videos”. Шетнер изјавил дека се надева дека причината за отфрлањето на шоуто од страна на публиката е досадниот концепт на играта, а не неговата улога како водител.

Јануари беше месецот во кој родендени имаа: Dr. Leonard McCoy (DeForest Kelley), Nog (Aron Eisenberg), Zefram Cochrane (James Cromwell), Saavik (Kirstie Alley) и Ro Alen (Michelle Forbes).

На 08.01.2007 му беше роденденот на Стивен Хокинг, најпознатиот теоретски физичар и наводно голем Trek фан. :)

ПЕТИЦИЈА: Star Trek на ТВ

2007-01-19T14:04:00.000+01:00

Петиција која ќе биде испратена до македонските телевизии, за прикажување на Стар Трек серијалите. Потпишете!

http://www.petitiononline.com/pet/

Мак Трек - Нова Генерација :)

2007-01-14T02:03:00.000+01:00

Мак Трек доби свое место и на македонскиот блогерски сервис, Блогера ј. Таму ќе бидат објавувани текстови од овој блог, кои се закопани во архивите. Година и пол, и 130 текстови, не е малку, нели? :)

Адресата е: http://mak-trek.blog.com.mk

Star Trek: Of Gods And Men одложена за април 2007!

2007-01-08T21:34:00.000+01:00

Мини-серијата од 3 епизоди, Star Trek: Of Gods And Men е одложена. Првата епизодата требаше да се појави во декември 2006, па овој месец, и на крај излезе информацијата дека ќе има задоцнување од неколку месеци.

Првата епизода, би требало да се појави во април, втората во мај и последната во јуни. Останува да чекаме нови информации.

Моменталната состојба на Star Trek XI

2007-01-03T16:36:00.000+01:00

Официјалниот сајт за новиот Стар Трек филм, денеска ги сумираше (официјалниоте) информациите кои ги беа дале за и околу филмот. Првиот драфт за сценариото е напишан, а се очекува и вториот. Еве некои кои ги сметав за побитни:

1) Филмот излегува кон крајот на 2008.
2) Приказната ќе се врти околу Кирк и Спок пред Star Trek: TOS.
3) Ќе биде прикажан животот на Кирк пред Академијата, за време на Академијата, како и служењето на USS Faragut и командувањето на USS Enterprise.

Тоа што верувам дека повеќето ќе ги интересира, е кастингот. Сега за сега, нема никакви информации околу ова. Во 2007 ќе можеме да очекуваме трејлер, постер и нормално, официјален наслов на филмот. Од веќе познатите ликови, ќе ги видиме капетанот Пајк, МекКој, Скоти, итн...

За повеќе информации, кликнете тука.

Нов трејлер за ST: Of Gods And Men

2006-11-25T15:56:00.000+01:00

Излезе и новиот трејлер за Star Trek: Of Gods And Men. Кликнете тука за трејлерот.

Ликот на Tuvix

2006-11-12T17:43:00.000+01:00

"Tuvix" е според мене, една од најинтересните епизоди од Voyager. Tuvok и Neelix се испратени на една планета да соберат растенија за проучување. Но, при транспортирање се случува несреќа и двајцата се спојуваат во битие, кое самото ќе се нарече Tuvix. Во оваа статија, ќе зборувам токму за него и актерот кој го толкуваше. Не би навлегувал во деталите за приказната во епизодата, ќе оставам сами да си видите.

Tuvix е спојот помеѓу Tuvok и Neelix. Значи, генетски е мешавина помеѓу Вулканец и Талаксијанец. Ги има сеќавањата и знаењето и на Tuvok и на Neelix, но сепак, една свест. Како што и сам ќе каже, не е 'поделена личност'. :)

Tuvix го толкува актерот Tom Wright (сме го гледале во МНОГУ серии како гостин). Wright прекрасно го има доловено ликот на Tuvok и ликот на Neelix, речиси исто како и оргиналните актери. Му ја даде на Tuvix ладнокрвноста на Tuvok и иритирачката страна на Neelix. Тоа највеќе ме импресионира. Интересен беше и односот на Tuvix со Kes, девојката на Neelix, во различни моменти, бидејќи во исто време дел од него имаше чувства за неа, а друг дел (погодете чиј!) ги потиснуваше. Самиот внатрешен конфликт помеѓу два сосема различни карактери беше одлично доловен.

На вас останува, ако не сте ја гледале епизодата, да ја гледате под итно. :)

Осврт кон последните Star Trek случувања

2006-11-09T20:36:00.000+01:00

Ако блогов беше во мала пауза, не значи дека не се случуваше ништо интересно поврзано со Star Trek. Што се случуваше изминатиов месец:

• Абрамс се загрева за претстојниот проект, Star Trek XI. Во последното негово гостување на MTV изјави дека сценариото е готово, но не е сигурен дали самиот тој ќе го режира филмот. Освен коментарот дека “ приказната е неверојатно добра”, не беа откриени никакви дополнителни информации. Ништо да ги поткрепи гласините за можното учество на познатиот актер/dianetic/trekkie Том Круз.

• Тридневната аукција на Christie’s по повод 40 години Star Trek заврши со 100% распродажба. 1000 костуми, модели на бродови, автентични маски и други колекционерски предмети “изчезна” во краток рок, оставајќи зад себе дебела трага од 7,107,040 долари. Најголемата цена била понудена за моделот Starship Enterprise-D (200x150x 35) - 576,000 долари (очекуваната сума била околу 25-30 000 долари), поставувајќи нов аукциски рекорд.

• По бројните гостувања во најразлични емисии, Шетнер конечно ќе води свое шоу. Насловено како “Show Me the Money”, шоуто стартува на 22 Ноември на телевизијата ABC. И самите претпоставувате концептот на емисијава нема никаква врска со Стар Трек.
Човеков е насекаде.

• Од друга страна, Леонард Нимој (Spock) се занимава со добротворни акции; неговата фондација помогна за повторното отварање на “The Griffith Observatory” во Лос Анџелес. Оваа обсерваторија беше искористена за потребите на епизодата “Future’s end”- Voyager. Донацијата на Нимој придонесе за проширување на обсерваторијата која сега има планетариум, јавни телескопи и научен музеј.

• Овој месец е роденденот на Armin Shimerman, актерот кој го играше Quark, еден од најинтересните ликови во DS9 и TNG. Освен него, родендени имаат и: Guinan (Whoopi Goldberg), Chakotay (Robert Beltran), Dr. Julian Bashir (Alexander Sidding), Jadzia Dax (Terry Farrell) и Rom (Max Grod?nchik). И да не го изоставиме и Tom Paris (Robert D. McNeill)

Re-boot

2006-11-05T18:52:00.000+01:00

Се враќаме по мала пауза. Изминатиов месец, се надевам, дека доволно не одмори, и ќе ни даде сила за понатамошната работа. Иако доаѓа колоквиумска недела, се надевам дека ќе најдеме време за редовен апдејт на блогов. :)

Наредниов период, ќе бидете информирани околу проектите на МакТрек фан-клубот, зачленувањето во истиот, и слични работи. Нормално, нема да го заборавиме она што го правиме изминатава година, а тоа е - инфомирање, вести и статии за нашата омилена серија.

Додека си триеме рацете и се спремаме за работа, ви предлагам да го посетите официјалниот сајт на организацијата, да прочитате што е ново, и нормално да видите како се забавуваме на собирите, http://www.maktrek.org.mk

Нов мини-серијал - Star Trek: Of Gods And Men

2006-10-01T13:23:00.000+02:00

Актерите од изминатите серијали на Стар Трек, по повод 40 годишнината од серијата, се собраа да дадат "скромен" подарок на фановите. Се работи за мини-серија од три епизоди, кои треба да излезат до крајот на годинава.

Режисер на оваа мини-серија е Tim Russ, попознат како Tuvok од Star Trek: Voyager.

Дел од актерите кои ќе може да ги видиме во Star Trek: Of Gods And Men се Nichelle Nichols (Uhura), Walter Koenig (Chekov), Grace Lee Whitney (Rand) и уште многу од останатите серијали. Најинтересно е тоа што Alan Ruck се враќа во улога на капетанот Harriman, капетан на Enterprise-B. Сигурно го паметите од филмот Star Trek: Generations.

Околу Star Trek: OGAM, помага и дел од екипата на фан-серијалот Star Trek: New Voyages.

Ако вестите се точни, првата епизода ќе ја видиме кон крајот на декември 2006.
Трејлерот е веќе излезен, и препорачувам да го симнете и да го гледате. Клик тука за трејлерот.

МакТрек ќе ве информира за сите новости околу новата мини-серија.

Види линк: Star Trek: Of Gods And Men (официјален сајт)

Star Trek: The Animated Series

2006-09-17T23:59:00.000+02:00

Star Trek: The Animated Series, или скратено TAS, e анимирана серија oд 22 епизоди што се емитува на NBC во 1973-74 година и на некој начин ја пополнува дупката помеѓу TNG и TOS. Најбитно од се е што на ова серија работи скоро целата екипа од TAS на чело со Gene Roddenberry, односно фали само Pavel Chekov (Walter Koenig), кој е заменет со два нови лика, Lieutenant Arex (Edoan) и Lt. M'Ress (Caitian). Гласовите на последниве ги даваат James Doohan и Majel Barrett (Montgomery Scott и Christine Chapel) кои исто така го даваат гласот и на повеќето останати ликови (ова се должи пред се поради малиот буџет со кој располагале).

Koening не е заборавен од екипата, па на него му припаѓа честа да напише една од епизодите со што станува првиот актер од Star Trek на кој му се укажала таква можност.

Актерите, како што е тоа обично кај анимираните серии, не снимале заедно, туку најчесто праќале касети со снимките во студиото каде што потоа биле уклопувание. На серијава работат и голем број на сценаристите кои работеле на TAS, па дури и за некои епизоди се смета дека биле нaпишани и наменети токму за 4 и 5 сезона кои за жал никогаш не се снимени. Иако како анимирана серија Star Trek: TAS не е ограничен од специјалните ефекти, сепак скратувањата на буџетот си го направиле своето, па така можат да се забележат неколку грешки, како на пример ликовите да не се на исто место во две последователни сцени, наеднаш се менува бојата на униформата и сл.

Оргинално не требало ни да се јават толку од оргиналните актери, односно Sulu i Uhura биле "заборавени", на што се спротиставил Rodenbery, запазувајќи мултиетничкиот состав на екипажот. NBC отпрвин сакале да ги откупат авторските права на Gene Rodenbery, и да направат цртана серија за деца каде ќе се јават истите ликови, но само како деца.

Се претпоставува дека дејствието во овие серии го опфаќа времето после TAS, oдносно дека се одвива некаде пред крај на 5 годишната мисија на NCC-1701, но тоа никаде не е наведено. Имено, ако се забележат датумите, се гледа дека тие видно отстапуват, односно некои се пред времето на TAS а некои се хронолошки дури и после Star Trek: The Motion P icture, што придонесува кон големи забуни и по мое мислење е главен виновник за неканонскиот статус на серијава (покрај правните несогласувања). Наводно и самиот Rodenbery извесно време пред својата смрт побрал овие епизоди да не се сметаат како канонски.

Како новина овде се јавува life support belt, своевиден личен forcefield што штити од надворешните влијаниа. Овој life support belt се јавува само во TAS, a тоа пред се се должи на тоа што на аниматорите им било полесно да додадат жолтеникави рецки околу ликовите отколку да ги цртаат во заштитни скафандери.

За овие серии постои и книга во 10 тома, Star Trek Logs, од Alan Dean Foster.

Како поинтересни епизоди би ги издвоил: "Yesteryear", "More Tribbles, More Troubles","The Slaver Weapon","The Magicks of Megas-tu" и тн.

Интересни податоци за серијава е дека тука на пример прват се среќава средното име на Kirk, Tiberius, тука е и првиот holodeck, како и низа на ликови што се јвуваат во подоцнежни проекти и тн.

ИСПРАТИЛ: Андреј Јанков

Слика од нас

2006-09-10T10:00:00.000+02:00

Во "Fifth Element" (Г.Т.Ц. Скопје), на забавата по повод 40 годишнината од Star Trek.
Од лево кон десно: Lieutenant Z.Andonovski, Captain B.Nickolov, Lieutenant Dr.Philemon.

Повеќе слики ОВДЕ.

40 години Star Trek

2006-09-08T18:53:00.000+02:00

Ја дочекавме и годишнината. 40 години Стар Трек. Серија која на многумина им го измени животот. Серија која засекогаш ќе остане запишана во историјата на телевизијата. Серија која успеа да обедини многу луѓе од целиот свет... Едноставно речено, серија која го измени светот.
Ќе ве однесам и низ историјата на МакТрек. Се враќаме пред една година, на текстот за Џин Роденбери, таткото на феноменот наречен Стар Трек. Кликнете тука.

И мало потсетување за утре. Бидете во "Fifth Element" (Г.Т.Ц.), во 19:00 часот, заедно да прославиме. Понесете си ги и starfleet униформите. :)

Види линк: Статијата на официјалниот Star Trek сајт за 40 годишнината

CGI римејк на The Original Series

2006-09-06T00:42:00.000+02:00

Долго време се зборува за целосен римејк на првата Star Trek серија. Вакво нешто е многу далеку од остварување, но новите дистрибуции на оваа серија ќе бидат со подобрени компјутерски ефекти и музика, нешто слично на специјалното издание на Star Wars од пред неколку години. Најголемата промена се очекува да биде во сцените од вселената во кои се гледа Enterprise NCC-1701. Сеуште не се знае дали сите епизоди од TOS ќе бидат преправени.

Услуга за фановите и новите генерации или обид да се измолзат пари? Коментирајте на TFU форумот.

Мак Трек: 40 години Стар Трек

2006-09-02T18:43:00.001+02:00

После една година постоење, Мак Трек официјално станува и регистрирано здружение. Значи дека, удрени се темелите на официјалниот фан-клуб.

Се ближи и 40 годишнината на најдобрата серија на сите времиња, Стар Трек. По тој повод Мак Трек ќе организира забава во кафе-барот "Петиот Елемент" во Градскиот Трговски Центар во Скопје. Бидете таму на 09.09.2006 во 20:00 часот.

Деновиве ќе биде пуштен и официјалниот сајт на Мак Трек организацијата.

Благодарност до сите кои беа дел од Мак Трек изминатава година. Се надевам дека дружбата ќе продолжи и низ годините кои следат. Благодарност до сите што го читаа, читаат и ќе го читаат блогот, и до оние кои беа и сеуште се дел од него. Благодарност и да нашите пријатели од Trek FansUnited.
Благодарам што помогнавте Мак Трек да израсне во нешто олку големо.

Меѓуѕвездени растојанија

2006-08-17T03:35:00.000+02:00

На нашиве простори е малку познат факт дека авторите на Star Trek погрешно ги пресметуваат и претставуваат меѓуѕвездените далечини. Enterprise е серијата во која најчесто се превидувањата на соодносот на брзината на ѕвездениот брод и оддалеченоста до некоја ѕвезда.

Уште од првата епизода на Enterprise дознаваме дека максималната брзина на бродот е warp 5. Иако никогаш не било официјално потврдено, се претпоставува (врз основа на одредени изјави на Jonathan Archer околу почетокот на таа епизода) дека за таа серија во употреба е Кокрановата warp скала од времето на TOS, што би значело дека кубот од warp факторот помножен со брзината на светлината ја дава моменталната брзина на бродот (warp 1 означува брзина на светлината, warp 2 означува осум пати побрзо од брзината на светлината итн.). Сепак, Enterprise успеа да стигне од Земјата до Qo'noS за четири дена со warp 4,5, што би значело дека клингонската матична планета е одлечена од нас за некои 1,4 светлосни години. Но, и во денешно време се знае дека на 1,4 светлосни години од Земјата и нема баш многу - најблиската ѕвезда е Проксима Кентаури која е оддалечена околу 4,2 светлосни години.

Warp 5 можеби на нас ни изгледа како огромна брзина (125 пати побрза од брзината на светлината), но за поминување на меѓуѕвездени растојанија и не е којзнае колкава. Затоа, веројатноста Enterprise NX-01 да сретнува толку нови интересни видови и планети секоја недела (освен ако нема некое непишано космичко правило во секој ѕвезден систем да има нешто навистина, навистина возбудливо) е минимална.

Ваквите грешки постојат и во TOS, а во понатамошните серии ги нема толку поради не толку добро определената нова warp скала, за која се верува дека Оkuda нацртал крива и ги добил соодносот на брзината и warp факторот бирајќи произволни точки од кривата. Постојат повеќе формули кои се обидуваат да ја објаснат оваа скала.

Сепак, грешките постојат од причина што авторите сакаат сериите и филмовите да бидат поинтересни. Никој не би сакал да гледа неколку едночасовни епизоди по ред во кои бродот не прави ништо особено туку само патува од едно место до друго.

Star Trek VS Star Wars

2006-07-24T18:07:00.000+02:00

На многу форуми имам видено како се дискутира оваа тема па си реков да напишам и јас една статија и да го дадам своето мислење во врска со овие најголеми Sci-Fi серијали: Star Trek & Star Wars, кои имаат огромен број на фанови низ целиот свет. Не можеме да дискутираме на тема кој серијал е поубав за гледање бидејќи секој си има свој вкус и секој на посебен начин ги согледува работите. Во следниов текст се споредени овие два серијали.

Star Wars е вселенска одисеја која се одвива некаде "galaxy far far away", каде што испреплетено живеат многу врсти на вонземјани веќе неколку илјади години. Ако гледаме борбените бродови или пак сите бродови што се појавуваат во Star Wars се посупериорни во однос на Star Trek, посупериорни штитови и оружја, а да не зборуваме за големината на истите.

Star Trek на другата страна знаеме дека се одвива во нашата галаксија поточно галаксијата Млечен Пат и тоа во 24тиот век (TNG, DS9, VOY). Се што е напреднато во технологија се случило во текот на 300-400 години и човештвото се наоѓа во алијанса наречена UFP. Бродовите во федерацијата имаат стандарден warp мотор кој што може да постигне максимална брзина од 5.000 светлосни години (тоа е 5.000 х една светлосна година представува брзина од 300.000 km/s) и може да ја задржи истата само кус временски период, што е далеку инфериорно со погонот што го имаат во Star Wars.

Ако ги погледаме борбените тактики на двата серијали ќе видиме голема разлика. Имено во Star Wars се користат носачи на ловци и главните битки ги водат ловците (се делат на категории, бомбардери, пресретнувачи и повеќенаменски ловци). Главното оружје во Star Wars се blasters(ласери) и за бомбардирање користат некои видови на торпеда. Крузерите им даваат позадинска подршка на ловците ама не учествуваат директно во борбите. И нешто што можеше да се забележи во Star Wars филмовите е дека малите ловци можат да поминуваат покрај крузерите и другите обранбени системи без да претрпат штета ако се со голема брзина пошто ласерите не можеа да ги погодат. Значи можиме да забележиме дека ласерите и не се толку прецизни кога се гаѓа мета во движење.

Star Trek има сосема поинаква борбена тактика, користат измама (на пр. cloaking), стратегија и секогаш гледаат да најдат слабост во противничката технологија која ќе им даде предност. Имаат далеку попрецизни оружја од Star Wars на пример фејзерите можат комотно да уништат ловци уште тие пред да бидат во шанса да пукаат на бродот, така да главните битки ќе бидат неизвесни. Ако гледаме борба брод на брод Star Trek не може ни да се доближи до огнената моќ што ја имаат бродовите од Star Wars.

The bottom line is: Не можeме да ги споредуваме овие толку различни научно-фантастични серијали но ако воопшто се соочат резултатот ќе биде следниот: иако бродовите од Star Trek се далеку поинфериорни од оние на Star Wars, битката ќе биде многу интересна и трекерите можат да пружат голем отпор ако со послаби бродови.

Се појави првиот Star Trek XI постер

2006-07-23T16:58:00.000+02:00

Вчера (22.07.2006) се појави првиот официјален постер за новиот долгометражен Star Trek филм, кој треба да се појави во 2008 година. Според тоа што го има на него, можеме да се осигураме дека дефинитвно ќе биде приквел филм, и тоа за младите години на Кирк.

Исто така на Internet Movie Date Base пишува дека Мет Дејмон ќе ја толкува улогата на младиот Кирк.

За повеќе информации околу постерот, и wallpaper верзии, кликнете тука.

Генетски инженеринг

2006-07-21T01:39:00.000+02:00

Освен создавањето на “подобрени” организми за медицински потреби, генетски инженеринг се користи и за создавање на модифицирани растенија, како и за синтетизирање на биогенички оружја. Употребата на генетски модификации врз интелигентните суштества започнува во Федерацијата, со корективниот ДНА ресеквенцер за генетските нарушувања. Се разбира, овие модификации можат да послужат и за подобрување на сетилата, силата и интелигенцијата на индивидуите.

Генетски инженеринг на Земјата
Напорите да се создадат “суперлуѓе” во 20 век не завршиле со посакуваните резултати. Генетски подобрените луѓе станале реалност, но не застанале само со новостекнатите моќи. Предводени од Khan Noonien Singh, група на генетски подобрени индивидуи се обиделе да ја земат контролата во свои раце, започнувајќи ги Еугенските Војни. После ова, генетскиот инженеринг на Земјата ќе биде забранет. Се разбира, научниците не биле задоволни со ова решение, тврдејќи дека погрешното карактеризирање на генетските подобрувања врз луѓето како лоши се должи на Еугенските војни, а вистинскиот проблем е неможноста на човештвото мудро да ги искористи овие предности. До 24 век, Обединетата Федерација на Планетите ќе ја ограничи употребата на генетските модификации единствено на случаите со смртна закана, спречувајќи ја појавата на инцидент како оној со Khan. Друга причина за оваа забрана е склоноста на родителите да го изменат генетскиот код на своите деца со цел да им ги зголемат шансите за успех во “нормалното” општество.

Генетски инженеринг на Сулибанците
Сулибанците се хуманоидна врста која е на исто рамниште во поглед на еволуирањето како и луѓето. Во 21 век постои групирање на одреден број Сулибанци во унија позната како Suliban Cabal, кои ќе бидат подложени на напреден генетски инженеринг од страна на мистериозен хуманоид од 29 век. Овие подобрувања, кои вклучуваат вид подобар и од сензорите на вселенските бродови биле сметани како напредок на Сулибанската раса. Целосната модификација на оваа врста е прикажана во епизодата “Broken Bow”(ENT).

Генетски инженеринг во Доминион
Најуспешниот производ на генетскиот инженеринг надвор од границите на Федерацијата е создаден од Основачите (the Founders) на Доминион. Создадени се две нови врсти кои им се потчинети на Доминион и служат за специфична цел.
Ворта е врста која генетското подобрување го добила како благодарност на еден Changeling, кој бил спасен од оваа тогаш примитивна раса. Одличниот слух, отпорноста на сите видови на отрови, а во одредени случаи и телекинезата ја прават оваа раса совршена за дипломатски односи и занимања како администратори, научници и агенти.
Џем’Хадар е воинствена раса која целосно им е потчинета на Ворта. Создадени се за борба и опстојување во најлоши услови; нивна единствена окупација е одбрана и следење на наредби зададени од Ворта.
И двата вида не се размножуваат на традиционалниот биолошки начин. Кај Ворта присутен е начинот на клонирање и задржувањето на сеќавањето на претходната индивидуа. Некои сетила и особини се изгубени во процесот да се постигне посакуваниот резултат.

Амбасадорот Грал

2006-07-18T17:53:00.000+02:00

Грал е Теларитски амбасадор. За време на конфликтот помеѓу Андоријанците и Теларите, учествува во многу напади врз Андоријанците.

Во ноември 2154 година ја предводи Теларитската делегација на планетоидот Бабел. Делегацијата патува на бродот Enterprise NX-01, под команда на капетан Арчер. За време на патувањето Грал цело време се жали за престојот на бродот, како што можеме да видиме во епизодата "Babel One" (Star Trek: Enterprise).

Уште повеќе е незадоволен кога Enteprise NX-01, ќе спаси преживеани Андоријанци од нападот на бродот Kumari. Еден од преживеаните е и Андоријанецот Шран.

Но, сепак, и Шран, и Грал се дел од основачите на Обединетата Федерација на Планети. Грал е претставникот на Теларитите.

Види линк: Star Trek политика #2

captain's log, -317509.84

2006-07-06T02:19:00.000+02:00

Конечно на Мак Трек тимот се приклучи и првото женско суштество. :)
Ѕвезда Монева, по неколку испратени текстови, од денес ќе пишува за Мак Трек.

Кога сме веќе кај пишување, деновиве треба да почнам да го пишувам текстот за годишнината на Мак Трек, која е за помалку од месец.

Синтехол

2006-07-04T20:01:00.000+02:00

Синтехолот е хемиска варијанта на алколохот, пронајден од Ференгите. Има ист мирис и вкус како и алкохолот во пијалоците, само што не предизвикува пијанство, зависност и други останати реакции кои ги предизвикуваат вистинските алхоколни пијалоци. Поради тоа е погоден за користење во баровите на бродовите и вселенските станици. Значи, нема пијани гости и проблеми. :) Но, сепак, се наоѓа и по некое шише вистински алкохол.

Сигурно се сеќавате на епизодата “Relics” од The Next Generation кога Скоти ќе нарача скоч, и веднаш ќе го плукне укажувајќи му на барменот дека тоа не е вистински скоч.

Quark од Deep Space Nine, на неговата планета важи за крал на синтехолот.

Сепак, во една прилика Seven of Nine ќе се опијани од синтехол, бидејќи нејзините borg имплантанти не се дизајнирани на тој начин за да можат да го издржат влијанието на синтехолот. Што значи дека, на неа синтехолот и влијае на оној начин како алкохолот кај луѓето.